«Ақ жол» Демократиялық партиясының
ресми сайты
Жарғы
III. Партия қызметiнiң нысаны.

12. Партияның қызмет нысаны мыналар:
1) қоғамның саяси өмiрiне қатысу;
2) Партияның бағдарламалық мақсаты мен мiндетiн орындауды барлық заңды жолдармен қамтамасыз ету;
3) Партияның мақсаттары мен мiндеттерiн тұрғындар арасында тарату және түсiндiру;
4) заң шығару қызметiне қатысу;
5) мемлекеттiк билiк пен жергiлiктi басқару органдарында және өзге де ұйымдарда азаматтардың өкiлдiгiне ие бола отырып, олардың құқықтары мен заңды мүдделерiн қорғау;
6) құрылымдық бөлiмшелерге және бастауыш партия ұйымдарына әдiстемелiк, ұйымдық және өзге де көмек көрсету және олардың қызметтерiн ұйымдастыру;
7) қайырымдылық қызметiн жасау;
8) Партияның жарғылық пен бағдарламалық мақсаттарына және қызмет нысанына қайшы келмейтiн конференцияларды, семинарларды және дөңгелек үстелдердi, Қазақстан Республикасының заңнамасына сәйкес жиналыстар, митингiлер, демонстрациялар, шерулер мен тосқауылдарға тұруды ұйымдастыру және өткiзу, сондай-ақ мәдени-ағарту iс-шараларын ұйымдастыру және өткiзу;
9) Қазақстан Республикасының заңнамасына сәйкес кәсiпкерлiк қызметтi жүзеге асыру;
10) Партияның жарғылық мақсаттары мен мiндеттерiн iске асыруға сәйкес келетiн және Қазақстан Республикасының заңнамасына қайшы келмейтiн өзге де қызметтердi жүзеге асыру.