«Ақ жол» партиясының Жамбыл облыстық филиалы Алаш қозғалысының қазіргі Қазақстанның ұлттық идеясын қалыптастырудағы рөлі туралы дөңгелек үстел өткізді

» Аймақ - жаңалықтары » Жамбыл облысы » «Ақ жол» партиясының Жамбыл облыстық филиалы Алаш қозғалысының қазіргі Қазақстанның ұлттық идеясын қалыптастырудағы рөлі туралы дөңгелек үстел өткізді

29.09.2020, 12:36

29 қыркүйек 2020 жыл, «Ақ жол» партиясының Жамбыл облыстық филиалы

«Ақ жол» партиясының Жамбыл облыстық филиалы Алаш қозғалысының қазіргі Қазақстанның ұлттық идеясын қалыптастырудағы рөлі туралы дөңгелек үстел өткізді. Іс-шара «Қошмамбетов и К» ЖШС конференц-залында өтті. Дөңгелек үстел жұмысына партия белсенділері, Тараздағы жоғары оқу орындарының гуманитарлық пәндерінің оқытушылары, үкіметтік емес ұйымдар мен саяси партиялардың өкілдері қатысты.

Кездесу барысында іс-шараға қатысушылар «Алаш» көшбасшылары көтерген мәселелер бойынша пікір алмасты. Сонымен, қатысушылар «Алаш» партиясының бағдарламасы қазақ қоғамын таптық ұстаным бойынша емес, ұлттық идея мен ұлттық бірлік негізінде біріктіруді ұстанғанын атап өтті.

«Ақ жол» ҚДП Жамбыл облыстық филиалының төрағасы Асан Қошмамбетов кездесуді қорытындылай келе, түпнұсқаға оралу, ұлттық тарихты зерттеу жастардың патриоттық тәрбиесі үшін өте маңызды екенін баса айтты.

«Алаш» қайраткерлері мемлекеттіліктің, экономиканың, ұлттық мәдениет пен тілдің негіздерін ғылыми тұрғыдан негіздеді, олар республиканың шекараларын қорғады, елдің жалпы даму векторын анықтады. Сондықтан 20 ғасырдың басында Алаш Орда көшбасшылары таңдаған саяси бағдарлар қазіргі уақытта өзектілігін жоғалтпайды, ал қазіргі қазақ патриотизмінің мұраттары мен идеологиялық платформасы жүз жыл бұрынғымен бірдей », – деді ол.