VI шақырылымның II сессиясындағы «Ақ жол» ҚДП фракциясының қызметі туралы ақпарат (2016 жылдың қыркүйек айынан бастап )

» Санат жоқ » VI шақырылымның II сессиясындағы «Ақ жол» ҚДП фракциясының қызметі туралы ақпарат (2016 жылдың қыркүйек айынан бастап )

04.01.2017, 10:52

Фракцияның отырыстары

Фракцияның 17 отырысы өтті, оның барысында партияның өңірлік филиалдарымен бейнеконференцбайланыс режимінде фракция депутаттарының қаралатын заң жобаларына берген тұжырымдамалық түзетулері, депутаттық сауалдардың тақырыптары, фракцияның палатаның жалпы отырысына шығарылатын заң жобалары бойынша позициясы талқыланды.

27 қыркүйекте «Қазпошта» АҚ-ның басқарма төрағасы Б.Мусиннің қатысуымен бәсекелестік жөніндегі заң жобасына фракцияның ұсыныстары талқыланды.

18 қазанда фракцияның отырысында Әлихан Бөкейханның 150 жылдығына арналған мерейтойлық монетаны таныстыру болды. Бұрын «Ақ жол» осындай монета шығару бастамасымен Ұлттық Банктің басшылығына мәлімдеме жасаған болатын. Бастама қолдау тапты – мерейтойлық монета айналымға 100 мың дана тиражбен шығарылды.

2015 жылғы қарашада «Ақ жол» ҚДП Әлихан Бөкейханның 150 жылдығының құрметіне жалпыұлттық деңгейде іс-шаралар ұйымдастыру бойынша депутаттық сауал жолдаған болатын және Қазақстан Республикасының Үкіметінен оң жауап алды. Осыдан кейін ЮНЕСКО Бас ассамблеясы Бөкейханның мерейтойлық іс-шараларының халықаралық мәртебесі және оларды ЮНЕСКО аясында өткізу туралы қарар қабылдады. Бұдан басқа, 2015 жылғы 23 желтоқсанда ҚДП «Қазпошта» АҚ басшылығына Әлихан Бөкейханның туғанына 150 жыл болуы құрметіне пошта маркасын шығару туралы ұсыныспен шыққан болатын, ал ағымдағы жылғы 12 шілдеде «Ақ жол» партиясында осы марканы айналымға шығару бойынша салтанатты рәсім өтті.

 

Заңнамалық қызмет

Екінші сессияның басынан бастап фракция депутаттары қаралып жатқан заң жобаларына 350 түзету енгізді. Олардың ішінде – фракция депутаттарының коллекторлық қызмет, бәсекелестік, қорғаныс және әскери қызмет, зардап шеккендерге зиянды өтеу, дене шынықтыру және спорт мәселелері, жергілікті өзін-өзі басқару, салық салу және кедендік әкімшілендіру жөніндегі және т.б. ұсыныстары.

Фракция депутаты Қазбекова Мәжілістің бәсекелестік туралы заң жобасы жөніндегі жұмыс тобын басқарды.

28 қыркүйекте А. Перуашев 2016 – 2018 жылдарға арналған республикалық бюджетті талқылау барысында сөз сөйледі. Мәселен, фракция отандық өндірушілердің мүддесі үшін «Бизнестің жол картасы – 2020» (БЖК) бағдарламасының өлшемдерін қайта қарауды талап етті. Екі девальвациядан кейін субсидияға қолжетімділік алуға қабілетті кәсіпорындардың мөлшері 2,5 есе (!) есе азайды. «Ақ жол» фракциясы жобаларды іріктеудің өлшемдерін қазіргі 4,5 млрд. теңгеден 7 млрд. теңгеге дейін қайта қарауды талап етті және бұл өзгерістерді үшжылдық бюджетке енгізуді ұсынды.

Перуашев БЖК қысқартудан бас тартуды және кәсіпкерлерді қолдау жөніндегі барлық бағдарламаларды біріктіруді ұсынды. Белгілі болғандай бағдарламаны қаржыландыруды 2018 жылдан бастап қазіргі 22 млрд. теңгеден 12 млрд. теңгеге дейін күрт қысқартуды жоспарлаған. БЖК қысқартумен қатар үкімет жұмыспен қамту бағдарламасын қаржыландыруды ұлғайтуды ұсынды, оған жыл сайын Жол картасына қарағанда 3 есе көп қаражат жұмсауды жоспарлап отыр.

«Бұл парадокс, өйткені егер жұмыстың өзі, яғни кәсіпорындар болмаса, адамдарды жұмысқа орналастыру мүмкін емес. Жұмыс орнын құрмай жұмыспен қамтуды қолдау мүмкін емес», – деп атап өтті демократтар фракциясының көшбасшысы.

Бұдан басқа, «ақжолдықтар» мемлекет үшін қаржылай қайтарым негізінде нәтижеге бағдарланған бюджеттеу қағидаты бойынша мемлекеттік холдингтер мен ұлттық компанияларды қаржыландыруды шектеуді талап етті.

5 қазанда А. Перуашев экстремизмге және терроризмге қарсы іс-қимыл жөніндегі заң жобасын талқылау барысында сөз сөйледі. Ол арнаулы қызметтердің өкілеттіктерін күшейтуге және қоғамға бақылау жасаудың қатаңдауына байланысты жаңа өзгерістер – олардың тиімділігі мен азаматтық бостандықтар үшін тәуекелдер тұрғысынан белгілі сұрақтан туындап отыр және ұсынылып отырған уақытша тұратын азаматтарды міндетті тіркеу талабын мысал етіп келтірді. А. Перуашевтың пікірі бойынша мұндай шаралар заңға бағынатын азаматтар үшін қажет емес қысым жасайды.

«Терроризмге қарсы тікелей күрестен басқа біздің басым міндетіміз – оның әлеуметтік негізін жою: бұл жұмыссыздық, баспанаға қол жеткізу, жастарда өмірлік перспективаларының болмауы, қоғамдық сананы қалыптастырудағы мемлекеттік органдардың самарқаулығы проблемалары, бұлар бүгінде БАҚ-тан басқа кеңістікке өтіп жатыр және сол сияқтылар».

«Әріптестерімді осы тұрғыда терроризмге қарсы іс-қимыл туралы заң жобасын ғана емес, біздің бүкіл заң шығару қызметімізді де қарауға шақырамын», – деп қорытындылады А. Перуашев.

12 қазанда А. Перуашев Климат жөніндегі Париж келісімін ратификациялау барысында сөз сөйледі.  «Қазақстан үшін өзінің экономикалық мүдделерін ұмытпауы маңызды, деп атап өтті. – Осыған дейін парниктік газдарды қысқартубойынша Киото келісімі қолданылды және оның екінші хаттамасына қосылу Қазақстанға халықаралық квоталар нарығына қатысуға, елге энергия үнемдейтін және экологиялық таза технологияларды дамытуға сыртқы инвестиция тартуға мүмкіндік береді.

Бірақ бұл жасалмады. Ал енді Экологиялық кодексте 2018 жылдан бастап парниктік газдар квоталарының ішкі нарығы енгізілетін болады. Яғни шетелдік инвестиция тартудың орнына, қазақстандық кәсіпорындарды өздері табыс таба алатыннан нәрсеге ақы төлеуге міндеттейді. Іс жүзінде отандық өндірушілерге тағы бір ресми емес салық енгізіледі. Мұнайшылармен және металлургтермен қатар малшылар да қоршаған ортаға «эмиссия» деп есептелетін көң үшін қомақты сома төлейді.

Бұл төлемдер әлдебір Қорға кетеді. Оған ақша бизнестен міндетті түрде жиналады; ал олар қалай жұмсалады – ол ешкімге белгісіз. Бізге өз өндірушілерімізді жоймай, қайта оларды қолдау үшін Экологиялық кодекске оралып, бұл нормаларды қайта қарап, тетіктер енгізуіміз қажет деп есептеймін.

26 қазанда «Ақ жол» фракциясы салық кодексіне енгізілетін түзету жобасын қолдамады – бұл туралы А. Перуашев өз сөзінде бірқатар тұжырымдамалық қарсылықтарын айтты.

Атап айтқанда, фракция банк секторындағы жағдай бойынша түсіндіруді талап етті, егер жұмыс істемейтін кредиттер бойынша ресми деректер 8,4 % анық болса, онда банктерге қосымша салықтық қолдау көрсету талап етілмейді, өйткені ХҚЕС нормалары 10 %-ға дейін рұқсат етеді. Депутаттар секторды қолдау шараларын банктердің ашықтығын қамтамасыз етумен, банк секторындағы ахуал үшін Ұлттық Банктің жауапкершілігін кеңейтумен байланыстыруды ұсынды.

Бизнесті қолдаудың балама шаралары фракцияның басқа талабы болды.

«Осы заң жобасы аясында біз, мысалы, АСР қолдануды қысқартамыз, яғни шағын бизнеске түсетін салық ауыртпалығын ұлғайтамыз. Келесі жылдан бастап өңдеуші өнеркәсіпке арналған кеден қоймасы салық режимінің қолданысы тоқтатылады», – деп атап өтті Перуашев.

«Үкіметтің банктер үшін преференцияларды кеңейтіп, ал шағын бизнес пен өңдеуші өнеркәсіптің бұрынғы жеңілдіктерін жою фактісінің өзі – әзірлеуші тарапынан теңгерімді экономикалық даму мәселелеріне жеткілікті көңіл бөлінбегенін білдіреді», – деп түйіндеді депутат.

Егер қойылған мәселелер Қаржы министрлігі Қорғас бойынша ескертуге ден қойғандай (жеке багаж нормалары бойынша бұйрықтың күшін жоюға уәде берген) жедел қаралса, «онда біз екінші оқылымда оларға басқа позицияда оралуға дайынбыз», – деп айтып кетті.

 Бұдан басқа, фракция кезекті рет Салық кодексінен жалған кәсіпкерлік жөніндегі қолданыстағы нормаларды алып тастау туралы мәселе қойды.

«Бірыңғай салық саясатының концептуалдық проблемасына жеке тоқталып өту керек. Салық кодексінің өзінен басқа ұсынылған құжатта тағы 5 заң жобасы бар, олар салық заңнамасының жекелеген баптарының белгілі бір редакциясын енгізеді, – деп атап өтті Перуашев және ол 2008 жылдан бастап Қазақстанда түрлі заңнамалық актілерге салық салық мәселелері бойынша өзгерістер мен толықтырулар енгізу туралы 138 заңнамалық акт қабылданғанын еске салды. Олардың бірқатары тіпті Салық кодексінің өзінде көрініс таппады!».

Фракция қолданыстағы салық заңнамасына ревизия жүргізу, бейінді емес заңдардан салық нормаларын алып тастау және оларды бірыңғай кодекске жинақтау туралы да мәселе қойды.

«Ақ жол» депутаттары салық салу жүйесі салық төлеушіге түсінікті болуға тиіс деп есептейді.

9 қарашада А. Перуашев Мәжілістің жалпы отырысында Ұлттық қордан 2017 – 2019 жылдарға кепілдендірілген трансферт туралы заң жобасын талқылау барысында Ұлттық Банк төрағасына сұрақтар қойды.

«Ұлттық қор қаражатын сақтау үшін негізсіз шығыстарды және сыбайлас жемқорлықты қысқарту қажет.». Болжамға сәйкес қаралып отырған бюджеттің 3 жылында Ұлттық қордың қаражаты 9,5 млрд. долларға (72,6 млрд. доллардан 63,1 млрд. долларға) қысқарады», – деп атады Перуашев және Ұлттық қордың негізгі екі міндетті: дағдарыс кезеңінде экономиканы тұрақтандыру, сондай-ақ болашақ ұрпақ үшін жинау үшін құрылғанын еске салды.

«Алғаш рет бұл Қор 2007 – 2009 жылдардағы ауыр дағдарыс кезеңінде пайдаланылды. Бірақ уақыт өте келе біз оны бюджетті толтырудың тұрақты қосымша көзі ретінде қарауға үйрендік, бұл оның құру идеологиясына қайшы келеді, деп атап өтті Перуашев. – өндіргіш экономиканы дамытудың орнына бізге емес, біздің ұрпақтарымызға тиесіліні тауысып жеп жатырмыз.».

Осыған байланысты, «Ақ жол» көшбасшысы Ұлттық Банк басшылығына мынадай сұрақтар қойды:

1)  Ұлттық қордың инвестициялық кірісінің құлау себебі неде және бұл үшін кім дербес жауапты болады?

2)  Ұлттық Банк Ұлттық қордан қаражат алуға болмайтын шекті көре ме? Ұлттық қор қаражатының қандай бөлігі, қандай сомасы қол сұғылмайтын болып табылады? Жай ғана цифрларды атаңызшы.

Ұлттық Банктің төрағасы да, Ұлттық экономика министрі де Ұлттық қордың қол сұғылмайтын қаражат сомасын айта алмады, олар «бұл мәселе өзекті және ол пысықталып жатыр» деп сілтеме жасады. «Ақ жолдың» Ұлттық қордың инвестициялық кірісінің құлағаны үшін жауапкершілік және қол сұғылмайтын сома туралы сұрағын шенеуніктер жауапсыз қалдырды.

9 қарашада А. Перуашев міндетті медициналық сақтандыру мәселелері жөніндегі заң жобасын талқылау кезінде сөз сөйледі.  Ол сақтандыру медицинасы дамыған елдер медициналық қызметтердің бағасы мен сапасының нақты экономикалық есептеріне, оларды тиісінше орындамағаны үшін жауапкершілікке көңіл бөлетінін атап өтті. Практикада медициналық сақтандыру көбінесе өмірді сақтандырумен байланысты.

«Ең бірінші сұрақ – адам өмірінің экономикалық бағасы қандай? Бұл аллегория емес:  адам өмірі өлшеусіз, бірақ денсаулықты сақтау құны денсаулық сақтау жүйесіндегі сақтандыру төлемдерінің мөлшері сияқты нәтижеге қол жеткізу бойынша экономикалық есептерге негізделуге тиіс, мұндағы нәтиже – осы адам өмірі мен денсаулығын құтқару. Мұндай негізді есептерсіз барлық қызметтердің барлық цифры ойдан алынған сипаты болады, – деп атап өтті ол. – Кеше ғана ауыр қайғылы жағдай орын алды – Алматы-Тауэрсте болған өртте алты студент көз жұмды. Олар өте жас болатын. Мен фракция атынан бұл жастардың туыстары мен жақындарына көңіл айтамын. Басқа да депутаттар бізді қолдайды деп сенемін.»

БАҚ хабарлағандай ҚазҰУ қайтыс болған студенттердің отбасыларына 340 мың теңгеден бөлді. ЖОО басшылығына рахмет. Әрине мемлекетте көмектеседі, қала әкімі де бірдеңе бөледі. Қалай және қанша – еш жерде белгіленбеген, негізсіз.

340 мың теңге немесе басқа қандай да бір сома – бұл жастардың өмірінің, олардың жасап үлгермеген істерінің, орындалмай қалған жоспарларының, туылмаған балаларының, ата-анасына бола алмай қалған тірегінің құны деп кім айтты. 

«Экономикалық негізделмеген есептер болмаса осындай проблемаға бірыңғай ұстанымдарды тұжырымдау және емдеу және тіпті адам өмірінің өзін құтқару құнының өлшемдерін айқындау мүмкін емес», – деп түйіндеді депутат.

Перуашев Денсаулық сақтау министрлігін міндетті әлеуметтік және медициналық сақтандыруды енгізу барысында кәсіпорындар мен жұмыскерлерден ақша жинау шараларын ғана емес, оның шығындарын айқындаудың анық экономикалық тәсілдерін да пысықтауға шақырды.

«Батыс практикасында клиенттің соңында мықты адвокаттар сақтандыру компанияларының заң департаменттері тұр, олар өз ақшасы үшін клиенттің денсаулығына залал келтіруге немесе қайтыс болуына себепкер болған кез келгенді қырып жоюдан тайынбайды.

Сіздердің Қорларыңыз өз клиенттерінің құқықтары үшін күресе ме? Немесе оларды өз проблемасымен өзін қалдыра ма?, – деп сұрау тастады парламентші.

Республикалық бюджетті талқылау барысында ағымдағы жылғы 9 қарашада Перуашев де-индустрияландыруды Қазақстан экономикасының негізгі қауіпі деп атады. Депутат индустрияландыру бағдарламасын, БЖК, АӨК дамытуды министрліктер экономиканың жаңа субъектілерін құру позициясынан емес, бөлінген бюджет қаражатын игеру тұрғысынан ғана қарайды. Сондықтан іске асырылмаған және тиімсіз жобалар өте көп.

«Өндіруші экономикадан бас тарту мен сервистік экономикаға сервистік басымдық беру мүмкін Ұкіметтің саналы таңдауы шығар. Бірақ кез келген экономиканың өсуі үшіндрайвер қажет, даму қарқыны тұрақты түрде алда болады және өзімен бірге қалған секторларды алға жетелейді. Біздің жағдайда қайда мұндай драйверлер? Өсімі 9 – 10 % болатын салалар қайда? Біз оларды көріп отырған жоқпыз.

Мұндай саясат тіпті бюджеттен қомақты қаражат бөлінгеніне қарамастан, де-индустрияландыру (тұтастай өнеркәсіп салаларын жою) қатерін туғызады.», – деп атап өтті ҚДП жетекшісі. – Сондықтан «Ақ жол» ШОБ пен өңдеуші кәсіпорындарды тоқтатылатын салықтық преференциялардың орнына алмастыратын шаралар енгізуді талап етеді.

Перуашевтің пікірі бойынша салық жеңілдіктерін қысқартудың өзі дағдарысқа қарсы саясаттың стратегиялық желісінде мәлімделгендей қарсы тізбектік қағидатқа қайшы келеді.

ҚДП көшбасшысы қазақстандық қамту проблемасы еске салды, мұнда өте қолайсыз үрдістер байқалады. Мәселен, жүйе құраушы кәсіпорындар мен жер қойнауын пайдаланушылардың сатып алуында жергілікті қамту үлесі 16,4 %-ға және 10,5 %-ға төмендеді.

«Ақ жол» банк секторына қатысты да акцентті де өзгерту қажет екеніне сенімді. 8 жылдан бері жүргізіліп келе жатқан банктерді қолдау саясатынан өндірістік салаға кредит беруді ынталандыруға көшетін кез келді. «Ақжолдықтар» Ұлттық Банк пен  Үкіметтің өнеркәсіп салаларындағы банктердің кредиттік саясатын жандандыру жөніндегі нысаналы бағдарламасын қабылдауды ұсынды.

«Кредит әлі панацея емес, деп айтты А. Перуашев, ол батыс экономистері К. Фримен мен М. Абрамовицтің есептерін келтірді, яғни экономикалық өсімнің 15 %-ын ғана капитал мен еңбек қалыптастырады, ал 85 %-ы технологияның дамуымен және өнімділіктің өсуімен қамтамасыз етіледі. Алайда бюджетте бұл бағыт ұлттық инновациялық жүйе және «төртінші индустриялық төңкеріс» сияқты оқшауланған институттар мен бағдарламалар түрінде ғана қозғалған.

«Егер индустрияның өзін ештеңемен де қолдайын деп отырмасақ, қандай «төртінші индустриялық төңкеріс» туралы айтуға болады? – деп ашуланды А. Перуашев. – елдің алдында де-индустрияландырудың нақты қауіпі тұр. Бұл – Қазақстан экономикасының ең басты қатері».

«Формальды емес, нақты даму үшін жай ғана институттар мен бағдарламалар емес, өнімділіктің керемет өсімін көрсететін нақты кәсіпорындар мен тұтас салалар керек. Бұл бүгінгі күннің ғана емес, ертеңгі күннің де мәселесі, сондықтан озық технологиялар болмаса, ең білімді деген жастардың өзі өзіне қолданыс таба алмайды».

Осыған орай, «Ақ жол» фракциясы ұсынылған бюджетке ескертулерді ескеруді талап етті және экономиканың дамуы үшін Үкіметтің жауапкершілігін еске салды.

 

Депутаттық сауалдар

Ағымдағы жылғы 1 қыркүйек – 30 желтоқсан аралығы кезеңінде фракция депутаттары түрлі тақырыпта 18 депутаттық сауал жолдады: бұл кәсіпкерлікті қолдау, тұрғын үй проблемасы мен денсаулық сақтау мәселелері және т.б.

7 қыркүйек

· «Ақ жол» депутаттары адал ипотекашыларды қорғады – Ұлттық Банк төрағасының атына фракцияның сауалын
М. Қазбекова жолдады.
«Ақ жол» ипотеканы теріс пиғылды төлеушілер үшін ғана жеңілдету нормасы кредиттердің уақтылы төленбеуіне ықпал етеді, ал ипотекалық қарыздарын уақтылы өтейтін адал қарыз алушылар, оның ішінде халықтың әлеуметтік осал тобына жататындар үшін бұл әділетсіздік.

· «Ақ жол» депутаттары балалар емханалары мен медициналық жоғары оқу орындарында «педиатрия» мамандығын қалпына келтіруді талап етеді – Премьер-Министрдің атына фракцияның сауалын
Д. Еспаева айтты.
Отбасылық дәрігерлер практикасына өтудің маңыздылығын түсіне отырып, «ақжолдықтар» бұл бағдарлама Қазақстан Республикасындағы педиатрияның мәнін және көп жылдық оң тәжірибе тиісінше бағаланбай енгізіліп отыр деп есептейді.

· «Ақ жол» партиясы кезекті рет Қазақстан Республикасының Қылмыстық кодексінен «жалған кәсіпкерлік» бабын алып тастауды табанды түрде талап етті – Премьер-Министр мен Бас прокурордың атына фракцияның сауалын А. Перуашев мәлімдеді.  Депутаттар ҚК-ден «Жалған кәсіпкерлік» 215-бабын алып тастау туралы мәселені тағы да көтерді, өйткені оны қалдыру барлық жаңа кәсіпорындардың жойылу қауіпін туғызып, адал бизнесменге орасан залал келтіреді.

21 қыркүйек

· ЕАЭО мақсаттарын елемей, ресейлік қызметтердің бір жақты әрекеті қазақстандық өнімнің экспортын жасанды түрде шектейді – Премьер-Министр атына фракцияның сауалын Б. Дүйсембинов мәлімдеді. ЕАЭО шегінде тауарлардың еркін ілгерілеуі үшін қазіргі кедергілердің бірі біздің ресейлік әріптестеріміздің карантиндегі өнімді әкелу үшін алдын ала хабарлау институтын енгізу болып табылады. «Ақ жол» Одақтың қағидаттары мен мақсаттары, оның ішінде талаптар мен стандарттарды үйлестіру іс жүзінде нақты қолданылмайтын «қағаздағы уағдаластықтар» болып шықты деген тұжырымға келді.

· Паралимпиада жүлдегерлерін көтермелеу Олимпиада ойындарының жүлдегерлерін көтермелеу мөлшеріне теңеңестірілуге тиіс – Премьер-Министр атына фракцияның сауалын А. Перуашев мәлімдеді. «Ақ жол» мемлекет өз азаматтарының спорттағы жетістіктерін тең бағалауы тиіс деген мәселені қайта қойды.

· Аграрлық кредиттік корпорация кредиттерін өтеудің қолданыстағы кестесі ауылдықтардың мүддесін кемсітеді – «Ақ жол» қазақстандық ауыл шаруашылығы өнімін өндірушілердің мүддесін қорғады. Сауалды Ауыл шаруашылығы министрінің атына Е. Барлыбаев мәлім етті. «АҚ жол» ҚДП фракциясы Үкіметтен Аграрлық кредиттік корпорацияның кредиттері бойынша төлем мерзімін кезекті жылдың 1 наурызына дейін ұлғайту мүмкіндігін қарауды сұрады.

· «Ақжолдықтар» синтетикалық моножіптен жасалған балық ауларын әкелуге және сатуға тыйым салуды ұсынды – Премьер-Министр атына фракцияның сауалын К. Абсатиров мәлімдеді.

Қазақстан Республикасы Ауыл шаруашылығы министрінің 2015 жылғы 16 қаңтардағы (№ 18-04/17) бұйрығына сәйкес балық аулау кезінде кәсіпшілік мақсатында ғана ауларды пайдалануға жол беріледі.

Алайда мұндай аулау құралдары еркін сатылады және бұл балық қорларын жаппай жоюға алып келеді. Әрбір су қоймасынан моножіптен жасалған, пайдаланылған ұсақ көзді аулардың бірнешеуін табуға болады. Мұндай ауға түсіп қалған адамның тірі шығуы мүмкін емес, одан өздігінен босанып шығу қиын.

Осыған байланысты депутаттар елге жібінің диаметрі 0,5 миллиметрден аз жән көздерінің мөлшері 100 миллиметрден аз синтетикалық нейлон, полиамид моножіптерінен және өзге де синтетикалық моножіптерден машинамен немесе қолымен тоқылған балық аулау, тораптың ауларды елге әкелуге және сатуға тыйым салуды ұсынды.

Бұдан басқа, ол еліміздегі суда жүзетін құстарды көктемде аулауға тыйым салу қажеттігі туралы мәселені айтты.

5 қазан

· Су өндіріп алуға салынатын салықтың қолданыстағы мөлшерлемесі ішкі сауықтыру туризм объектілерінің ойсырауына алып келеді – Премьер-Министр атына фракцияның сауалын М. Қазбекова мәлімдеді. Ағымдағы жылғы 1 қаңтардан бастап жерасты суларына пайдалы қазбаларды өндіру салығының өндірілген өнімнің 1 кубы үшін бір ең төмен есептік көрсеткіш көлеміндегі мөлшерлемесі көзделген. «Бұл минералдық суларды және ыстық су көздерін пайдаланатын барлық демалыс аймақтарының жабылуына әкеп соғады, – деген сенімде депутаттар. – Ауыл шаруашылығы шикізатын өндіру және (немесе) қайта өңдеу үшін, сондай-ақ ауыл шаруашылығы мұқтаждықтары үшін қолданылатын ПҚӨС-тің 0,3 %-ы мөлшері қолайлырақ болады;  бұл мөлшерлемені ішкі туризм үшін де қолдану мүмкіндігін қарау қажет.».

19 қазан

· «Ақ жол» Қорғаныс министрлігінің қажеттілігі үшін киім-кешек жеткізудегі отандық жеңіл өнеркәсіп кәсіпорындарының мүддесін қорғады – Ұлттық экономика министрінің  атына фракцияның сауалын Д. Еспаева мәлімдеді.

· Көрші Ресейде «Ресейде шығарылған тауарлардың басымдығы туралы» қаулының қабылдануына байланысты «Ақ жол» партиясы Қазақстан Республикасының Үкіметінен ЕАЭО нарығында қазақстандық өндірушілердің мүддесін қорғауды және отандық кәсіпорындарды қолдауда соған ұқсас шаралар қабылдауды талап етті.

26 қазан

· «Ақ жол» Мәжіліс депутаттарының сауалдарына Ұлттық Банктің атынан сырғытпа жауап дайындаған қызметкерлерді жауапкершілікке тартуды талап етті – М. Қазбекова Ұлттық Банктің атына үшін рет адал ипотекашыларды қорғау бойынша фракцияның сауалын мәлімдеді. Алдыңғы екі жағдайда фракция Ұлттық Банк төрағасының орынбасары Смоляковтың қолы қойылған жауап алды, олар сырғытпа жауап нысанында болды және қойылған сұрақтарға жауап берудің орнына Бағдарламаның жалпы сомасы, қатысатын банктердің саны, қаралған және мақұлданған өтінімдер және өз өтініштерінде өзгерту қажеттілігін көрсеткен бағдарламаның шарттары туралы цифрлар келтіреді.

2 қараша

· Салық төлеушілердің қалтасынан осыншалықты қомақты, бірақ пайдасы жоқ шығын кімге және не үшін қажет? «Ақ жол» депутаттары сел қаупі бар өзеннің арнасына «Қорғас» шекара маңы ынтымақтастығы халықаралық орталығын орналастырудың өзін-өзі ақтамаған қауіп проблемасын көтерді – Премьер-Министрдің атына фракцияның сауалын Е. Барлыбаев жолдады. «Ақжолдықтар» Қазақстан үшін адами, қаржы және беделінің тәуекелі, тіпті ШЫХО-да жайпап өтетін селдің ең аз ықтималдығы болса да, қазіргі орнында оны салудан келетін барлық пайдадан асып кетеді, ШЫХО-дағы біздің бөлігіміз басталған күйінде тұрғаны және «оралмайтын нүктеге» жетпегені жақсы да шығар. Осыған байланысты фракция депутаттары Үкіметтен:

1. ШЫХО-ны құрылысы осындай қауіпі жоғары және селден қорғау құрылыстарын шығындары болмайтын басқа учаскеге ауыстырудың орындылығын зерделеуді;

2. Шешім қабылданғанға дейін Қорғас өзенінде ШЫХО-ның өзін салуға жұмсалған барлық мемлекеттік шығындармен салыстырғанда өте қымбат селден қорғау құрылыстарын салуды тоқтатуды сұрайды.

· Шағын бизнес үшін ҚҚС-тың шегін азайту және өңдеуші кәсіпорындар преференцияларының күшін жою кезінде «Ақ жол» алмастыру шарасы ретінде 3 – 5 % ҚҚС-тың төмендетілген мөлшерлемесін енгізуді ұсынды. Премьер-Министр атына фракцияның сауалын А. Перуашев мәлімдеді.

Ағымдағы жылғы 26 қазанда «Ақ жол» фракциясы Үкімет бас тартуды ұсынып отырған  салық преференцияларын алмастыру жөніндегі шаралардың анық болмауы себебінен бірінші оқылымда салық жөніндегі заң жобасын қолдамады. Осы мән-жайларды ескере отырып, фракция Үкіметке бұрынғы преференцияларды алмастыратын нақты шараларды – экономиканың басым секторлары үшін ҚҚС төмендетілген мөлшерлемесін енгізуді ұсынды.

Депутаттар Үкіметтен салық заңнамасының соңғы өзгерістер күшіне енгенге дейін (яғни 2018 – 2019 жж дейін) бұл бастаманы зерделеуді және экономиканың басым секторлары үшін ҚҚС төмендетілген мөлшерлемесін енгізу туралы шешім қабылдауды талап етті.

30 қараша

· «Ақ жол» ҚР СІМ Қазақстанды Джексон-Веник түзетуінің қолданылу аясынан шығару туралы мәселені АҚШ Президенті Әкімшілігінің алдында қоюды және АҚШ пен Қазақстан арасындағы саудаға қойылған шектеулердің күшін жоюға қол жеткізуді сұрайды – СІМ атына фракцияның сауалын А. Перуашев мәлімдеді.

  Түзету 1975 жылы қабылданған және экономикасы бір түрлі кейбір елдерге саудада қолайлы режим, мемлекеттік кредиттер және кредиттік кепілдіктер беруге тыйым салады. Түзетуде АҚШ-қа осы елдерден импортталатын тауарларға қатысты кемсіту тарифтері мен алымдарын қолдану көзделген, осы елдер экономикасының техникалық-технологиялық дамуына айтарлықтай әсер етуге қабілетті қазіргі заманғы технологиялар мен жабдықтар беруді шектейді.

КСРО құлағаннан кейін бұрынғы Одақтың көптеген республикалары, оның ішінде Грузия, Қырғызстан, Армения, Украина, Молдавия және тіпті КСРО-ның құқықтық мирасқоры РФ оның күшін жоюға қол жеткізді. «Бірақ еліміздің ДСҰ кіргенінен қармастан аталған түзетумен енгізілген шектеу әлі күнге дейін Қазақстанға қатысты қолданылады, – деп атап өтілген сауалда. – Дегенмен америкалық әріптестердің көзқарасы бойынша Қазақстан экономикасы нарықтық ел ретінде танылмайды және АҚШ-пен саудада қолайлы жағдайға үмітті бола алмайды.».

«Ақ жол» жетекшісі Қазақстанға қатысты бұл түзетудің күшін жою туралы ҚР СІМ келіссөздерінің нәтижесіздігін және тиімсіздігін атап өтті.

«Таяуда АҚШ-та болған президенттік сайлаудан кейін елімізді Джексон-Веник түзетуінің қолданылу аясынан шығару жөніндегі келіссөздерді қайта бастау үшін кезекті мүмкіндік пайда болды», деп есептейді «Ақ жол». – Біз АҚШ-тың жаңа сайланған 45-ші Президенті Дональд Джон Трамптың әкімшілігі протекционизм саясатын қолдайтын бизнес өкілі ретінде біздің келіссөз жүргізушілеріміз белсенді әрі олардың дәйектері сенімді болса, Қазақстанмен сауда қатынастарын ілгерілетудің пайдасын бағалай алады деп үміттенеміз.

7 желтоқсан

· «Ақ жол» партиясы ҚХР-дан шыққан радиоактивті жүкті Қазақстан аумағы арқылы өткізу фактісі бойынша тергеп-тексеру жүргізуді талап етеді – Қаржы министрінің атына фракцияның сауалын А. Перуашев мәлімдеді.

Ағымдағы жылғы 6 желтоқсанда қырғыз шекарашылары Қазақстан арқылы мыңдаған километр жол жүріп, оның .үстіне азаматтардың денсаулығына және экологияға қауіп төндіргенҚХР-дан шыққан радиоактивті жүгі бар темір жол составында радиация деңгейінің өте жоғары екенін анықтады.

· «Ақ жол» ауыл шаруашылығы техникаларын қазақстандық жасап шығарушыларды қолдады – Премьер-Министр атына фракцияның сауалын Барлыбаев мәлімдеді.

Ауыл шаруашылығы техникасын сатып алуды субсидиялау – экономика үшін мультипликативтік әсері бар, АӨК қолдаудың ең тиімді түрі. Депутаттар Қазақстанда жасап шығарылған ауыл шаруашылығы техникасы үшін преференция талап етті, ал ауыл шаруашылығы министрлігі жоспарлап отырған шешім – ТМД елдерінің ауыл шаруашылығы техникаларын сатып алуды субсидиялауды шектеу «жартылай іс»

· Фракция отандық мал шаруашылығының дәстүрлі нысандарын субсидиялауды қысқартпауды талап етеді – Премьер-Министр атына фракцияның сауалын Б. Дүйсенбинова мәлімдеді.

Мәселен, АӨК дамытудың 2017 – 2020 жылдарға арналған бағдарламасында  субсидияларды: құс етіне 9 млрд. теңгеден 13,5 млрд. теңгеге дейін (1,5 есе ұлғайту), ірі қараға – 10 млрд. теңгеден 7 млрд. теңгеге дейін (1,5 есе азайту), асыл тұқымды шошқа сатып алуға – 16,5 млн. теңгеден 315 млн. теңгеге дейін (19 есе ұлғайту), асыл тұқымды жылқы сатып алуға 387 млн. теңгеден 125 млн. теңгеге дейін (3 есе азайту) өзгерту жоспарланып отыр.

Азаматтардың өтініштері бойынша жұмыс

Қоғамдық қабылдаудың жұмысы ұйымдастырылды: Астанада ҚДП орталық офисінде жұма күндері депутаттар, өңірлерде өзінің кестесі бойынша – филиалдар қабылдау жүргізеді. Көптеген айтылған проблемалар депутаттық сауалдар, заң жобасына түзетулер үшін негіз боды. Өңірлердің азаматтары депутаттарға бейнеконференц байланыс арқылы өтініш жасай алады (филиалдар фракцияның отырысына он-лайн арқылы қатысады).

Ағымдағы сессия кезеңінде орталық қоғамдық қабылдауда депутаттар 57 азаматты қабылдады.

100 шақты жазбаша өтініш қаралды.

Басқа да маңызда іс-шаралар, оқиғалар, баяндамалар

Ауыл спортына – Ақ жол! – 4 қыркүйекте осындай ұранмен ШҚО Ұлан ауданы Жанұзақ ауылында «Ақ жол» парламенттік фракциясының күшімен салынған футбол алаңының салтанатты ашылуы өтті.

«Әрбір қазақстандық саламатты өмір салтын ұстанғаны, спортқа тартылғаны маңызды, деп атап өтті алаңның құрылысына тікелей басшылық жасаған депутат Дүйсембинов. – Өкінішке орай, біз бұқаралық спорт бүгінгі күні әрбір отбасы үшін қолжетімді деп айта алмаймыз. Бұл біздің ауылдағы балалар-жасөспірімдер спортына қосқан үлесіміз».

Футбол алаңының ашылуы жергілікті тұрғындар ұйымдастырған концертке ұласқан нағыз ауыл мерекесіне айналды.

7-8 қыркүйекте партия Ақмола облысы Ерейментау ауданы Малтабар ауылында дәстүрлі спорт фестивалін (реті бойынша үшінші) өткізді. Жергілікті мектеп командаларының, Астана және Степногор командаларының қатысуымен дзюдодан, мини-футболдан және волейболдан жарыс өтті.

15-19 қыркүйекте ҚКП ОК халықаралық бөлімінің шақыруы бойынша А. Перуашев Қытайда болды. Сапарға Қазақстанның түрлі өңірінің кәсіпкерлері қатысты. Іскерлік кездесулер Пекинде, Шанхайда, Уханда, Үрімшіде өтті.

26 қыркүйекте ҚР ИДМ атына А. Перуашевтің қолымен ағымдағы жылғы көктемде Эйр Астананың есірткі тұтынған ұшқышын ұстаудан кейінгі қабылданған шараларды қоғамға ашуды талап еткен хаты жіберілді.

6 қазанда Бас прокуратураның бизнесті мемлекеттік органдардың негізсіз қысымынан қорғауға арналған алқа жиналысында А. Перуашев бизнесті ҚР ҚК жалған кәсіпкерлік туралы бабы бойынша қудалауды тоқтатуды және оны алып тастауды талап етті.

«Жалға кәсіпкерлік» сияқты мұндай жеке қылмыс табиғатта жоқ, бизнестің барлық бұзушылықтары ҚК басқа нақты баптары бойынша қудалануы тиіс. Бұл бапты шенеуніктер өздерінде бизнестің кінәсінің нақты дәлелдері болмаған кезде қолданады.» деп есептейді А. Перуашев.

«Сондықтан құрығанда бизнес қауіпсіз болуы үшін біз тағы да бұл бапты Қылмыстық кодекстен алып тастауды талап етеміз», –  деп қорытындылады А. Перуашев. Бұл позицияны ҰКП төрағасы
А. Мырзахметов, бизнес-омбудсмен Б. Палымбетов қолдады.

7 қазанда А. Перуашев «Қорғас» ШЫХО өткен Экономикалық реформа және өңірлік даму комитетінің отырысында сөз сөйледі. «Қазақстан да, Қытай да өзінің жобаларын 11 жыл бұрын жоқ жерден, бір уақытта бастады. Міне 11 жыл өтті оларда нақты қала, бізде пенопластан жасалған ойыншық үйлер», – деп атап өтті.

Азат Перуашев ШЫХО инвестициялық саясаты туралы айтты: «Әлі күнге дейін индустриялық аймақта учаскелердің 81 %-ы қажетсіз болып қалып отыр. Бізге «бизнес пассивті», олар ол жаққа барғысы келмейді деп баяндайды.

ШЫХО-ға инвестициялау құқығы үшін бизнесмендерден, яғни  таяудағы сияқты – отель салу үшін миллион доллар пара талап етсе, кім барады?

Фракция басшысы Ұлттық экономика министрлігінен және басқа ведомстволардан ШЫХО кеден органдарының толыққанды жұмысы үшін қажетті құжаттарды әзірлеуді және қабылдауды талап етті, өйткені бизнесмендерді көпшілігі Орталықтың құқықтық мәртебесі айқын болмағандықтан, шығын шегіп жатыр.

Сонымен қатар, Азат Перуашев ел басшылығына және «Қазақстан темір жолы» АҚ Жетіген-Қорғас теміржолын салғаны үшін ризашылық білдірді.

10 қазанда «Үкімет сағаты» барысында СІМ-ге сыбайлас жемқорлар оффшорлық аймақтарға әкеткен қаражатты Қазақстанға қайтару жөніндегі жұмысты жандандыру талап етіп сөз сөйледі.

«Бізді Қазақстаннан заңсыз әкетілген қаражаттың қайтарылуы қызықтырады. Дәл осы Сыртқы істер министрлігінің жұмысы. Бұл елден ұрланған және Қазақстан экономикасына жұмыс істеуі үшін қайтарылуы тиіс инвестиция», – деп атап өтті Перуашев (БАҚ хабарлары бойынша Қазақстаннан оффшорларға шығарылған қаражат сомасы 140 млрд. доллар деп бағаланады).

Инвесторларға негізсіз қысым жасалу жағдайына назар аударды: «Біз неліктен шетелдік инвесторлардың Қазақстанға халықаралық төрелікке шағым беріп жатқан жағдайлар туралы үндемейміз? Мысалы, 2013 жылғы 6 ақпанда біздің фракция Үкіметке Қазақстанға енген, кепілдікпен сатып алумен жүздеген миллион долларға инвестиция салған, нәтижесінде «СҚ «Фармация» ойындарынан осы сатып алудан айырылған төрт ірі шетелдік фармацевтикалық «Польфарм», «Нобель», «Глобафарм» және «Абди Ибрахим» компаниялары туралы Үкіметке сауал жолдады. Сонда мемлекеттік органдар барлығы заңды деп жауап берді, нәтижесінде халықаралық төрелікке дейін жетті, Қазақстан жеңіліп, инвесторлар алдында ұятқа қалды».

Депутат инвестиция сапасының мәселелерін де қозғады: Бізге лас өндірістер немесе өткен ғасырдың жабдықтарын әкелмеуі үшін озық технологиялы кәсіпорындардың келуін қадағалау қажет.

Азат Перуашев көрші Қытайға қазақстандық экспортты ілгерілетуге ерекше көңіл бөлді: «Тауарды валютаға сату – бұл да инвестиция. Қазір Қытай «Бір белдеу – бір жол» бағдарламасын іске асыруда, біз оны «Нұрлы жолмен» байланыстырамыз. Қытай тарапынан қомақты қаражат бөлінеді және қазақстандық өнімге; астыққа, ұнға, етке және т.б. сұраныс ұлғайды. Бірақ біздің тауарлар ҚХР-ға экспорттау үшін техникалық реттеудің жергілікті талаптарына сәйкестігі тұрғысынан сертификатталған болуға тиіс. Сонымен қатар, олардың техникалық реттеу жүйесі біздікінен немесе еуропалықтардікінен ерекшілігі техникалық құжаттамадан бастап қытай тілінде. Біздің бизнесмендер осы проблемамен бетпе-бет қалды. Мен СІМ және «KAZNEX INVEST» қазақстандық кәсіпорындарды өздерінің өнімдерін ҚХР мен басқа елдерде сертификаттау рәсімідері бойынша тұрақты түрде қолдауды қамтамасыз етуді сұрадым.».

29 қазанда А. Перуашев пен Е.Никитинская Қазақстанның Ұлттық индустриялық палатасы ұйымдастырған «дөңгелек үстелде» алматылық өнеркәсіпшілермен кездесті. Іс-шараға түрлі саладағы (машина жасау, тамақ өнеркәсібі, құрылыс материалдарының өнеркәсібі және т.б.) бірқатар кәсіпорындардың (АЗТМ, АЗМК, ФудМастер, Вираж, Сар Арқа-Авто және т.б.) басшылары, «Атамекен» ҰКП, Кәсіпкерлер форумының басшылары және т.б. қатысты.

Бизнесмендер мен қауымдастық өкілдері – А. Попелюшка, Д. Васильев, Ж. Едігенов, М. Томпиев, А. Лавреньтев, А. Сапаргазинов, В. Егуткин және т.б. депутаттармен салық салу жүйесіндегі, ең алдымен – «кедендік қойма» преференциясының күшін жоюға және ҚҚС шегін төмендетуге байланысты туындайтын, сондай-ақ жалған кәсіпкерлік үшін жете есепке жазу бойынша проблемалармен бөлісті.

Кәсіпкерлер өнеркәсіптің басым салалары үшін алмастыру шараларының қажеттілігі туралы, шағын және орта бизнеске ауыртпалықты ұлғайтудың кері сипаты туралы, жалған кәсіпкерлік бойынша баптың құртатын сипаты туралы фракцияның позициясын (26 қазанда салық заңнамасы бойынша жазылған) қолдады.

3 қарашада А. Перуашев әл-Фараби атындағы ҚазҰУ студенттерімен және профессор-оқытушыларымен кездесті. Университеттің студенттерімен және профессор-оқытушылар ұжымымен кездесу барысында «Ақ жол» ҚДП жетекшісі Азат Перуашев құрылған кезінен бастап парламенттік фракцияның жұмыс қорытындылары бойынша дайындалған авторлық материалдардың жинағын ұсынды.

10 қарашада «Eurasian Book Fair – 2016» Еуразиялық халықаралық кітап көрмесі шеңберінде А. Перуашевтің «Полемическая экономика» жинағының тұсаукесері болды. Жинақ ағымдағы жылғы көктемде жарыққа шықты және «Ақ жол» партиясының төрағасы А. Перуашевтің 2011 – 2015 жж. баяндамаларының авторлық мәтіндері және құжаттарынан тұрады. Тұсаукесерге көрмеге қатысушылардың барлығы дерлік: стундерттерден бастап аға буын өкілдеріне дейін қатысты.

«Кітапта мен басқаратын партияның бағдарламасы бағыттарының әрбірі бойынша жұмысты қарауға болады, олардың кейбірін шештік, кейбірі ұзақ жұмыс істеуді талап етеді. Біз жұмысты жалғастырамыз.»,- деп атап өтті Перуашев. тұсаукесер барысында ол сұрақтарға жауап берді және кездесуге белсенді қатысушыларға жинақтың бір-бір данасын сыйға тартты.

14 қарашада «Ақ жол» депутаттары А. Перуашев, К. Абсатиров, Б. Дүйсембинов Қазақ гуманитарлық-заң университетінің (ҚазГЗУ) студенттерімен және профессор-оқытушыларымен кездесті. ЖОО өкілдері депутаттарға университеттің тарихы туралы, табыстары мен жетістіктері туралы айтты, өздерінің мұражайының экспонаттарымен таныстырды. Кездесу шеңберінде студенттердің саясаткерлерге бірқатар сұрақтар қоюға, сондай-ақ автограф қойғызып, «Полемическая экономика» жинағын естелікке алуға мүмкіндігі болды.

16 қарашада  Б. Дүйсембинов Әлихан Бөкейханның 150 жылдығына және Тәуелсіздіктің 25 жылдығына орай Астана қаласының әкімдігі мен тілдерді дамыту басқармасы ұйымдастырған  «Әлихан Бөкейхан: Алаш мұраты және Тәуелсіздік құндылығы» атты ғылыми-практикалық конференцияға қатысты. Қазіргі заманнның талаптарына сәйкес «Алаш мұратын жаңғырту» – «Ақ жолдың» негізгі міндеттерінің бірі – деп атап өтті депутат өзінің сөйлеген сөзі барысында және шығармашылық мұраны танымал ету жөніндегі «Ақ жол» партиясының жұмысы туралы және «Алаш» қозғалысы мен оның көшбасшысы Ә. Бөкейханның қағидатты көзқарастары туралы айтып берді.

25 қарашада А. Перуашев Санкт-Петербургтың Таврия сарайында – ТМД Парламентаралық Ассамблеясының штаб-пәтерінде Әлихан Бөкейханның бюстін ашу салтанатына қатысты.  Іс-шараға ҚР Парламентінің спикерлері Қ-Ж. Тоқаев және Н. Нығматулин, Сенат пен Мәжіліс депутаттары қатысты.

«Әлихан Бөкейхан Ресей І Мемлекеттік Думасының депутаты ретінде мұнда қазақ халқының маңызды мәселелері мен проблемаларын көтерді. Бұл орынның да ескерткіш үшін таңдап алынуы жай емес – дәл осы сарайда І Мемлекеттік думаның отырыстары өткен, – деп атап өтті А. Перуашев. – Жерлесіміз үшін біздің көкірегімізді қуаныш кернеп тұр.

Осы жылы ЮНЕСКО аясында Әлихан Бөкейханның 150 жылдығы атап өтілетінін еске саламыз. Таврия сарайының атриумына орнатылған қою жасыл гранитті тұғырдағы қола бюст биіктігі 2 метрден асатын скульптуралық құрылыс болып табылады. Ескерткіш Қазақстан Парламентінің депутаттары жинаған қаражатқа салынған.

30 қарашада депутат Д. Еспаева ұлттық интелегенцияны салықтан босатуды ұсынды – бұл туралы Мәжілістің жалпы отырысында мәдениет туралы заң жобасын талқылау барысында мәлімдеді.

«Бұрын шығармашылық интелегенция салық дегенді білмеді. Ал бүгін мемлекеттік қолдау ғана емес, туындылардың өзі – кітап басып шығару және оларды өткізу, театрлардың жұмысы, концерттік қызмет азайып барады – және оларға салық салынады. Мұндай жағдайда мәдениет дами ма?, – деп атап өтті депутат және «Ақ жол» бірнеше жыл бойы Еуроодақты мысал етіп, Қазақстанда салалық ҚҚС енгізуді ұсынып келеді. Онда ҚҚС жалпы мөлшерлемесі жоғары – 20 – 25 %, бірақ кітаптарды, мерзімді басылымдарды, картиналарды өткізу, музыкалық, театр және спорт іс-шаралары үшін ҚҚС мөлшерлемесі заңмен 0 % деңгейінде белгіленген.

«Біз салалық мөлшерлеме енгізу туралы мәселені бірнеше рет көтеріп келеміз, бірақ үкімет әрдайым бұл бюджет үшін шығын деп айтады және есептерді қайта қараудан бас тартады. Мәдениет министрлігі мәдениеттің және рухани құндылықтардың дамуына тікелей жауапты орган ретінде Еуроодақтың тәжірибесін пайдаланып, біздің шығармашылық интелегенцияны ҚҚС босату туралы Үкіметке ұсыныс енгізуге дайын ба?, – деп сұрады депутат.

Жұмыстың кейбір оң нәтижелері (сауалдар, өтініштер бойынша)

 

«Самұрық-Қазынадан» тұрғын үйді жалға алғандар салықты жеке тұлға ретінде төлейтін болады – бұл туралы 31 қазанда Tengrinews.kz (https://tengrinews.kz/buildings/arendatoryi-jilya-samruk-kazyina-budut-platit-nalog-fizlitsa-305175/) жаңалықтарынан белгілі болды.

13 сәуірде фракция «Самұрық-Қазына»
ҰҚ қолжетімді баспанаға салықтары жеңілдікпен есептейтін заңды тұлғалардың тізбесіне енгізілсін деген талап қойды. БАҚ-тан «ақжолдықтар» көтерген проблема оң шешімін тапқаны белгілі болды.

ҰЭМ баспасөз қызметіне сілтеме жасап, БАҚ хабарларында
«2016 жылғы қараша-желтоқсанда тиісті бұйрық қабылданып бекіту күтіліп отыр. Қазір оған қол қою үшін ілеспе құжаттар дайындалып жатыр. Бұйрық
2017 жылдан бастап қолданысқа енгізіледі нәтижесінде жалға берілетін үйде тұратындар төлейтін салықтың мөлшері айтарлықтай азайды.

«Ақ жолдың» паралимпиадашылар мен Олимпиада ойындары жүлдегерлерінің спорттағы жетістіктерін тең бағалау туралы бастамасын Республикалық бюджет комиссия қолдады – депутаттық сауалға ағымдағы жылғы 21 қарашада жауап алынды.

Педиатриялық көмекті дамыту мәселесі ерекше бақылауға алынды – балалар емханалары мен медициналық жоғары оқу орындарындағы «педиатрия» мамандығын қалпына келтіру туралы ағымдағы жылғы депутаттық сауалға жауап алынды. «Мен Денсаулық сақтау және әлеуметтік даму министрлігіне республикада педиатриялық көмекті одан әрі дамыту бойынша нақты ұсыныстар тұжырымдауды тапсырдым. Бұл мәселені
ҚР Үкіметі ерекше бақылауға алады.», – деп атап өтілген Б. Сағынтаевтың қолы қойылған хатта.

«Сатып алу саласындағы бұзушылық үшін квазимемлекеттік сектор субъектілерінің жауапкершілігі күшейтіледі», – деп айтылған ҚДП-ның ағымдығы жылғы 24 маусымдағы депутаттық сауалына берген үкіметтің жауабында.

 Мемлекет қаражатын талан-таражға салуға және оларды офшорларға шығаруға байланысты корпоративтік сыбайлас жемқорлық қауіпі туралы депутаттар 2013 жылғы 6 қарашада, 2014 жылғы 12 наурызда және
24 маусымда айтқан сөздерінде бірнеше рет мәлімдеді және т.б. 2015 жылғы 11 ақпандағы, 26 ақпандағы және 11 қарашадағы фракцияның Ұлттық компаниялардың және мемлекеттік кәсіпорындардың сатып алуы туралы заң әзірлеу жөніндегі талабына Үкімет екі рет бас тартып жауап берді.
2016 жылғы 24 маусымда ҚДП депутаттары квазимемлекеттік сектордағы сатып алу туралы заң қабылдау және сатып алу саласындағы бұзушылықтар үшін ұлттық компаниялар мен мемлекеттік кәсіпорындардың лаузымды адамдары үшін әкімшілік және қылмыстық жауапкершілік енгізу жөніндегі талапппен кезекті рет шықты.

«Өткізілген кеңестер қорытындысы бойынша Қаржы министрлігі қолданыстағы заңнамаға сатып алу саласындағы бұзушылық үшін квазимемлекеттік сектор субъектілерінің әкімшілік және қылмыстық жауапкершілігін күшейту мәселелері бойынша өзгерістер мен толықтырулар енгізуді көздейтін заң жобасын әзірлеу жөніндегі жұмыс тобын құрды», – деп айтылған Премьер-Министрдің жауабында.

«Ақ жол» су өндіруге салынатын салық мөлшерлемесін азайтуға қол жеткізді – Премьер-Министрдің қолы қойылған ресми жауаптан Салық кодексіне енгізілген фракцияның тиісті ұсыныстарын Үкіметтің қолдағаны белгілі болды.

Ағымдағы жылғы 5 қазанда фракция депутаттары минералдық суды және ыстық бұлақтарды пайдаланатын санаторий-сауықтыру туризмін қолдау үшін сауалын мәлімдегенін еске саламыз.

Бас прокуратура «Ақ жолдың» «жалған кәсіпкерлік» бабын ҚР Қылмыстық кодексінен алып тастау туралы ұсынысын қолдады. Ағымдағы жылғы 7 қыркүйекте А. Перуашев мәлімдеген фракцияның депутаттың сауалына жауап алынды.

«Ақ жолдың» сынға алуынан кейін қаржы министрлігі «жеке пайдалануға арналған тауарларға жатқызудың критерийлерін белгілеу туралы» бұйрығына өзгерістер өзгерістер дайындады – мемлекеттік кірістер комитетінің басшылығынан  ресми хат келіп түсті.

Еске сала кетсек, а.ж. 26 қазанында пленарлы отырыста А.Перуашев қаржы министрі Сұлтановтың 2015  жылдың 31 наурызындағы «Жеке пайдалануға арналған тауарларға жатқызудың критерийлерін белгілеу туралы» бұйрығын «қазақстандықтарды келемеждейтін қолайсыз бұйрық» – деп, сынға алған болатын. Мәселе қазақстандық азаматтардың ШМЫХО «Қорғас» кедендік рәсімдерін өтуі туралы – бұйрықта мерзімі мен саны көрсетілген.

Ағымдағы жылдың 15 желтоқсанында келіп түскен мемлекеттік кірістер комитетінің хатында, жеке пайдалануға арналған тауарларды кедендік әкімшілік етуді жетілдіру мақсатында жоғарыда көрсетілген бұйрыққа өзгерістер дайындалды – атап айтқанда критерийлерден көптеген тауарларды алып тастау көзделеді.