"Ақ жол" партиясының Павлодар облыстық филиалының есеп беру конференциясы өтті

"Ақ жол" партиясының Павлодар облыстық филиалының есеп беру конференциясы өтті

23 желтоқсан 2021 жыл, "Ақ жол" партиясының павлодар облыстық филиалы

22 желтоқсанда «Ақ жол» партиясының Павлодар облыстық филиалының есеп беру конференциясы өтті. Облыстық филиал төрағасы Сатыбаев Фуат Сайдахметұлы жыл ішінде атқарылған жұмыстарды баяндап, жаңа жылға арналған міндеттерді белгіледі.  

Жалпы, жыл ішінде белгілі жұмыстар атқарылды: әр деңгейдегі мәслихаттарға 17 депутат, Май ауданы, Малайсары ауылында бір әкім сайланды. Партия қатарына 66 адам қабылданды.

Депутаттар өздерінің негізгі қызметімен қатар филиалдың барлық іс-шараларына белсене қатысты, қайырымдылық істермен айналысты. Аталған шараларға жыл ішінде бір миллион теңгеден астам демеушілік көмек көрсетілді.  

Конференцияның екінші бөлімінде Қазақстан Республикасы Тәуелсіздігінің 30 жылдығына орай «Ақ жол» ҚДП Төралқасының және ҚР НПП «Еңбегім еліме» медалімен 35 адам марапатталды. 

Республикалық байқауларға Павлодар облысынан қатысушылар ерекше аталды. Фотограф Дәулет Әділбаев «Әр қазақ – менің жалғызым» атты фотобайқауына белсенді қатысқаны үшін дипломмен және естелік сыйлықпен марапатталды. 

«XXI ғасырдағы Алаштың Ақ жолы» Республикалық байқауында құрметті 3-орынға ие болған қатысушы Айбек Оралхан партия мүшелігіне қабылданып, осы байқауға баруға қолдау білдірген филиалға алғысын білдірді. 

Салтанатты жиын соңында қолдау көрсеткені үшін алғыс ретінде, жас дарынды орындаушылар концерттік бағдарламаға қатыстып, тамаша көңіл-күй сыйлады.