12
Наурыз
«Ақ жол» ҚДП съезіне қатысушылардың үндеуі
«Ақ жол» Қазақстан демократиялық партиясы өзінің құрылған сәтінен бастап елдің қоғамдық-саяси өміріне белсене атсалысып келеді, көптеген өзекті мәселелер бойынша өз ұстанымы бар, жиі бастама көтеріп отырады.
Қазіргі сәттің маңызды күн тәртібі 26 сәуірге белгіленген кезектен тыс президент сайлауы болып табылады. Кеше, 11 наурызда, алдағы сайлауға қатысуға қазіргі Мемлекет басшысының кандидатурасын ұсыну туралы шешімі қабылданғаны белгілі.
Елдің, оның одан әрі дамуының мүддесін басшылыққа ала отырып «Ақ жол» партиясының съезі Қазақстан Республикасының Президенті лауазымына қазіргі Мемлекет басшысы Нұрсұлтан Әбішұлы Назарбаевтың кандидатурасын ұсынуды толық қолдайды.
Тәуелсіздік жылдарында Қазақстан Тұңғыш Президенттің басшылығымен қарқынды дамушы, экономикалық қуатты, саяси тұрақты мемлекет болып қалыптасты.
Елде ұлтаралық татулық пен конфессияаралық келісім қаматамасыз етілді.
Қазақстанның халықаралық аренадағы беделі жылдан жылға өсіп келеді. Қазіргі жаһандық экономикалық дағдарыстың арта түскен қысымы, халықаралық күн тәртібінің күрделенуі жағдайында Қазақстанға күшті, жалпыұлттық көшбасшы жанында шоғырлану маңызды.
Нұрсұлтан Назарбаев елдің тәжірибелі әрі көреген басшысы ретінде өткен жылдың өзінде-ақ әлемдік дағдарыс жағдайында қазақстандық экономиканың тұрақты өсуін қамтамасыз етуге арналған «Нұрлы жол» бағдарламасын ұсынған болатын.
Біз Қазақстан көсбасшысына көрсетілген сенім мандаты елімізге осы күрделі кезеңнен сүрінбей өтіп, барлық қабылданған елді дамыту бағдарламаларын іске асыруға мүмкіндік беретініне сенеміз.
Қазақстан өзінің жалпыға ортақ мойындалған көшбасшысымен экономикалық қуатты, саяси тұрақты және әлемде үлкен беделге ие мемлекет құру жөніндегі өз жолын жалғастыратынына сенімдіміз.
«Ақ жол» Қазақстан демократиялық
партиясының съезінде 2015 жылғы 12 мамырда,
Астана қаласында қабылданды
