20
Сәуір
«Ақ жол» ҚДП ұйымдастырған волейбол бойынша жарыстан Мәжілістің құрама командасы екінші орынды иеленді
2015 жылдың 20 сәуірі, «Ақ жол» ҚДП баспасөз-қызметі
«Ақ жол» ҚДП ұйымдастырған волейбол бойынша жарыстан Мәжілістің құрама командасы екінші орынды иеленді. Іс-шара өткен жұмада Гумилев атындағы ЕҰУ-нің қолдауымен өтті.
«Біздің партия бұл жарысты жас сайлаушылардың белсенді өмірлік ұстанымдарын қалыптастыру, олардың елдің қоғамдық-саяси өміріне қызығушылықтарын арттыру мақсатымен өткізіп жатыр», - деп іс-шараны аша отырып, атап өтті Н.Жазылбеков.
Жарысқа Мәжіліс, ЕҰУ-ті, партияның орталық аппараты, қалалық филиалы, «Арғымақ» ЖШС-гі командалары қатысты.
«Ақ жол» партиясының қалалық филиалының командасы жеңімпаз атанды.
Тартысты өткен кездесулерде екінші жүлделі орынды иеленген Мәжілістің құрама командасына барлық үш парламенттік фракцияның депутаттары ойнады: Е.Бектұрғанов, И.Өмірзақов, Ш.Өтемісов, Н.Жазылбеков, Т.Ерғалиев, депутаттардың көмекшілері Д.Нұртаева, Р.Хаматханова, Д.Тюлешева.
Ойынның қорытындысы бойынша, көрермендердің және төрешілердің шешімімен Ерсұлтан Бектұрғанов «Жеңіске деген ерік-жігері» үшін номинациясында жеңімпаз атанды.
Командалар естелік кубоктармен және грамоталармен марапатталды.
