25
Қантар
Ұстаздар 'Ақ жолға ' алғыс айтты
'Ақ жол ' партиясы ұлт ұрпағының өз тілі мен дəстүрін білуіне де баса назар аударады. Осыған орай жуырда балабақшалар мен бастауыш сынып оқушыларына халқымыздың 800-ден астам асыл сөздері мен əн-жырлары топтастырылған əуенді 'киіз үйлерді' тарту ету акциясы қолға алынған еді. Нəтижесі жаман емес. Оған партия жетекшісі А.Перуашевтің атына келген мына бір алғыс хат дəлел.
Құрметті Азат Тұрлыбекұлы!
Бүгінгі ұрпақтың жаңа ғасырдың жүгін арқалаған білімді және тәрбиелі ұрпақ болып қалыптасуына атсалысу баршамыздың азаматтық борышымыз болса керек. Мен жетекшілік етіп отырған «Болашақ» арнайы мамандандырылған орта мектебінің де алға қойған мақсаты осы. Ұрпақ тәрбиесіне мән беріп, игі шараларға бастама болып жүрген «Ақжол» Демократиялық партиясының Алматы қалалық филиалы басшылығы мен Партияның «Жастар қанаты» жақында біздің мектепте өнегелі іс-шара ұйымдастырды. Филиал төрағасының орынбасары Е. Ақжолов пен партияның жастар қанатының жетекшісі Н. Шарападдин балалар бақшасы мен төменгі сынып оқушыларына қазақтың бүкіл ән – жырлары мен тәрбиелі сөздері еңгізілген екі әуенді «Киіз үй» сыйлады. Бүгінде бүкіл мектеп пен балалар бақшасы осы керемет дүниенің қызығын көруде. Қазақ тілін үйренуде, ұлт дәстүрін бойларына сіңіруде бұл бір керемет дүние болды. Осыған орай, өз атымнан және бізде еңбек етіп жүрген ұстаздар қауымы және ата – аналар атынан Сізге және Сіз жетекшілік етіп отырған «Ақ жол» партиясына шексіз алғысымды білдіремін!
Әр қашан елдік мүддені ту етіп, болашақ ұрпақ үшін еліміздің өркендеуіне сіңірген еңбектеріңіздің жана беруіне тілектеспін!
Құрметпен,
«Болашақ» арнайы мамандандырылған
орта мектебінің директоры М.Тұрлыханова
«Болашақ» арнайы балабақшасының меңгерушісі
Гүлнәр Молдажанова
Балабақша меңгерушісі Г.Молдажанова
Балабақша тәрбиешілері: А.Сүндетова
М.Әбілова
