Ақ жол'партиясы насихат науқанына дайын

18 ақпан, 20:00

Қазақстан коммунистік халықтық партиясы сайлау додасына кірісуге сақадай сай! Бүгін партияның республикалық сайлауалды штабы арнайы жиын өткізіп, үгіт-насихат жұмысының жалпы жоспарымен таныстырды. 

Коммунистер атынан Парламент Мәжілісінің депутаты атануға 22 кандидат үмітті. Сайлау заңнамасына сай барлығы да қазір тіркеуден өткен. Партия насихат шарасын елдің барлық өңірінде жүргізбек.  

Айқын Қоңыров, ҚКХП республикалық сайлауалды штабының жетекшісі: 

Партияның сайлау қоры құрылды. Енді одан үгіт-насихат жұмыстары үшін қаржы бөліне бастайды. Аудио-бейне роликтер, насихат парақшалары және баннерлер жасалып жатыр. Қазір орталық пен жергілікті аймақтарда шараны өткізудің кестесі түзілуде. Сайлауға қатысатын кандидаттардың барлығы да - партияның белді тұлғалары. 

Сондай-ақ, бүгін «Ақ жол» да саяси додаға кірісуге әзір екендіктерін мәлімдеді. Пария тіпті саяси үгіт-насихат үшін арнайы киінуді де ұйғарыпты. Мәселен, енді ақжолдықтарды мынадай күртешемен тануға болады. Азат Перуашев 20 ақпаннан бастап таратылатын қағаздарының да әзір екенін жетікізді. 

Азат Перуашев, «Ақ жол» партиясының төрағасы: 

Қарасаңыздар, мында қағаздарымыз да, сайлауалды бағдарламамыз да бар. Және насихаттаушылардың формасы да бар. Заттардың кейбірі Астанада, кейбірі Алматыда шығарылған. Алматыдан тікелей тісті аймақтарға кешеден бері жіберіп отырмыз. 

Құралай ПИОНЕР

Дерек көзі - www.astanatv.kz