07
Ақпан
Депутат азаматтарды қабылдады
7 ақпан 2019 жыл, «Ақ жол» ҚДП Ақмола облыстық филиалы
Ақмола облысында болған сапары барысында Қазақстан Республикасы Парламент Мәжілісінің депутаты Меруерт Қазбекова жеке мәселелер бойынша азаматтарға қабылдау өткізді.
Әр түрлі мәселелермен келген тұрғындар шешімін таппай жүрген мәселелер жөнінде айтып, депутаттың араласуын өтінді. Мәселен Зеренді ауданындағы, Бұлақ ауылының тұрғындары ауыл жанындағы Жолдыбай төбесінде ешкімнің келісімінсіз заңсыз келген фирманың ашықтан-ашық кен қазу жұмыстарын жүргізіп жатқаны жөнінде шағымданды. Ал қала тұрғындарының бірі тұрғын үй-коммуналдық шаруашылықты жаңғырту бағдарламасы шеңберінде жасалған жөндеудің сапасыздығын, мердігер ұйымның заңсыз әрекеттерін, сондай-ақ сот шешімінің олардың пайдасына шешілмегені туралы атап өтті.
Халық қалаулысы азаматтардың барлық өтініш-тілектерін тыңдап, заңдық тұрғыда шешу жолдарын айтып берді. Бірқатары депутаттың алдағы жұмыс кестесіне алынып, көмек қолын созуға уәде берді.
