Талғат Ерғалиев «Ақ жол» партиясының атынан ұсынылған жалғыз кандидат Дания Еспаеваға қолдау білдіріп, өзінің президенттік сайлауға қатысу туралы өтінішін қайтарып алады

Талғат Ерғалиев «Ақ жол» партиясының атынан ұсынылған жалғыз кандидат Дания Еспаеваға қолдау білдіріп, өзінің президенттік сайлауға қатысу туралы өтінішін қайтарып алады

28 сәуір 2019 жыл, «Ақ жол» ҚДП баспасөз қызметі

«Ақ жол» демократиялық партиясының төрағасы Азат Перуашев Қазақстанның Құрылысшылар одағының атынан президенттікке кандидат ретінде өзін ұсыну туралы өтініш беру мәлімдемесіне байланысты партияның мүшесі Талғат Ерғалиевпен кездесті. Белгілі болғандай, жуырда ғана өткен партияның съезінде алты үміткер бойынша құпия сайлау өткен болатын. Онда Құрылысшылар одағының жетекшісі 31,6% дауысқа ие болып, екінші орын алған.

            

Азат Перуашев өз кандидатурасын ұсынған кез-келген азаматқа секілді Талғат Ерғалиевтің құқығына да құрметпен қарайтынын түсіндірді. Оның үстіне, мұндай қадам жасауына түрткі болғаны оның партиялық дауыс беру кезінде жоғары нәтижеге қол жеткізгені екені онсыз да түсінікті. Алайда, ол «праймериздің» алты қатысушыларына партияның атынан ұсынылған жалғыз кандидат Дания Еспаеваның командасына қосылу туралы құрылтайдың шешімі жөнінде еске салып өтті.

Өз кезегінде, Т. Ерғалиев съездің сайлау қорытындысына қатысты ешбір өкпесі жоқ екенін хабарлады. Ол ҚР Құрылысшылар одағының атынан үміткерлікке өзін ұсынуын дұрыс деп санайды. Өйткені, бұл ұйымды бұрыннан басқарып келе жатқандықтан, аталмыш саладағы өткір мәселелерді және тұрғындардың қолжетімді баспанаға деген мұқтаждығын егжей-тегжейлі біледі. Бұл түйткілді мәселелерге мемлекеттік деңгейде тиісті назар аударылып жатқан жоқ деп пайымдайды.

Сондай-ақ, ол бір ғана партияның атынан бірден үш партия мүшесінің әр түрлі қоғамдық бірлестіктердің атынан  сайлауға кандидаттыққа ұсынылғаны жөнінде мысалдар келтіріп өтті.

Соған қарамастан, «Ақ жол» партиясына деген өзінің сый-құрметін білдіріп, партия төрағасымен әңгімелескеннен кейін Талғат Ерғалиев Орталық сайлау комиссиясынан өзінің өтінішін қайтарып алуға ниетті екенін және Дания Еспаеваның сайлауалды науқанына қатысуға әзір екенін мәлімдеді.

Азат Перуашев ҚР Құрылысшылар одағының төрағасына тілектестігі мен ер-азаматқа тән әрекеті үшін өз алғысын білдірді.