06
Сәуір
«Ақ жол»: Шағын бизнесті патентке көшіру қажет
6 сәуір 2022 жыл, «Ақ жол» Қазақстан демократиялық партиясының баспасөз қызметі
Шағын бизнесті жүктелген салық салуға (патенттерге) көшіру қажет, бұл оны есептіліктен толығымен босатуға мүмкіндік береді. Бұл туралы Азат Перуашев бүгін Мәжілістің жалпы отырысында мәлімдеді.
"Қаңтар оқиғасы жастар арасындағы кедейшілік, баспанасыздық, жұмыссыздық және жалпы үмітсіздік проблемаларын алдыңғы қатарға шығарды. Сондықтан, Президент Қасым-Жомарт Тоқаевтың кедейшілікті азайту тапсырмасын көпке созбай атқаруымыз керек. Дәл осыны барлық кездесулерде сайлаушыларымыз да талап етуде. Ал, бұл мәселенің негізгі шешімі – мыңдаған жасты жұмыспен, жалақымен қамтамасыз ету. Ол үшін жаппай кәсіпкерлікті дамыту, шағын және орта бизнесті қолдау - басты шарт деп анық білуіміз керек", - деді партия басшысы өз сөзінде.
А.Перуашев «Ақ жол» партиясы Парламентте жұмыс істеген барлық жылдарда жаппай кәсіпкерлікті дамыту жөніндегі шешімдерді кедейшілікке қарсы басты әрекет ретінде ұсынып келе жатқанын еске салды. Алайда, Үкімет мұны естімейді, ал кездесулерде кәсіпкерлер бұл тәсілдерді жұмыла қолдайды.
"Жүктелген салық салуға (патенттерге) көшуі қажет. Салық органдары бізге оңайлатылған салық режимі де қаржылық ауыртпалық туғызбайды деп жауап бергенде, мұндай режим көптеген бюрократиялық формальдылықты қажет ететінін түсінбейді. Бұл уақытты босқа өткізуге, айыппұлдар мен есеп беруге, бухгалтерлерді ұстауға және т.б. көптеген жүктемелерге алып келеді", - деп атап өтті «Ақ жол» көшбасшысы.
Оның пікірінше, жүктелген салық салу (Патент) шағын бизнесті кез-келген есеп беруден толығымен босатуға мүмкіндік береді: "жылына бір рет белгіленген соманы төлеп, қамсыз жұмыс істей беріңіз, ешкім тексеруге келіп, бухгалтерлік есепті талап етпейді".
Осыған байланысты «ақжолдықтар» кезекті рет тәсілдерді қайта қарауды және шағын бизнеске патенттік салық салуды енгізуді талап етті. Олар осы қарапайым шешімнің ондаған миллиардтарға жүзеге асырылатын және «дода-дода» есептілігі бар бірде-бір мемлекеттік бағдарлама бере алмаған жұмыс орнын қамтамасыз ететініне сенімді.
«Бізге қазір мемлекеттік органдардың дүкендерді тексеру және Еуропадағы инфляцияны салыстыру арқылы бағаның өсуімен қалай күресетіні айтылды. Онымен айналысу керек емес. Бизнесті ынталандырыңыз, бәсекелестікті және жеке өндірісті ынталандырыңыз. Сонда біз импортқа және валюта бағамына тәуелді болмаймыз», - деп толықтырды Перуашев.
