27
Ақпан
«Ақ жол» депутаттары Солтүстік Қазақстан облысының аудандарын аралады
25 ақпан 2022 жыл, «Ақ жол» демократиялық партиясының Солтүстік Қазақстан облыстық филиалы
Аптаның соңғы күндерінде ҚР Парламенті Мәжілісінің депутаттары Азат Перуашев, Қазыбек Иса және «Ақ жол» ҚДП облыстық филиалының жетекшілері Дмитрий Подковыров (төраға), Евгений Кинцельмен (филиал төрағасының орынбасары) бірге Солтүстік Қазақстан облысында жұмыс жасады.
Айтып кетейік, екеуі де – партияның ең тәжірибелі мүшелері, 2002 жылы «Ақ жол» құрылғанда (тура 20 жыл бұрын!) қатарға қосылған.
Мәжілісімендер 25 ақпанда, жұма күні таңертең филиал жетекшілері, демократиялық партиядан сайланған жергілікті мәслихат депутаттарымен кездесу өткізді.
Мұнан соң Облыстық мұрағатта болып, «Алаш» қайраткерлері Мағжан Жұмабаев, Қошке Кемеңгерұлы және Смағұл Сәдуақасұлының қызметіне қатысты жуырда табылған құжаттармен танысты.
Содан кейін облыстық кәсіпкерлер палатасында жергілікті ШОБ субъектілерімен міндетті таңбалауды енгізу мәселесін талқылады.
- Пікірталас өте қызу өтті. Жиналғандар «Ақ жол» партиясының таңбалауға қарсы және ҚҚС шегін төмендетудің орнына патент енгізу туралы ұстанымын сөзсіз қолдайды. Жиналған кәсіпкерлердің әрбір үштен бірі шенеуніктердің қысымынан сауда нүктелерін жауып тастаған. «Мемлекет пен бизнестің мүдделері қай сәтте, қай жерде алшақтады? – деп сұрайды олар – неге бізді қолдаудың орнына, әрдайым жаңа міндеттемелерді жүктеп қояды? Осы мәселелер бойынша біздің көзқарастарымыздың дұрыстығына тағы да көз жеткіздім, сонымен қатар, үкіметпен талқылауды жалғастыру үшін дәлелдер алып, жігерлендім, - дейді «Ақ жол» партиясының төрағасы Азат Перуашев.
Түстен кейін депутаттар «ЗИК-СТО» зауыттары (вагон жасау) және SMB-групп (Биг-баг, сусымалы жүктерді тасымалдауға арналған ауыр салмақты жұмсақ контейнерлер шығару) зауыттарының жағдайымен танысып, олардың басшыларымен, инженерлерімен әңгімелесті.
Азат Перуашев: Орталық мемлекеттік органдар мен ірі шетелдік жер қойнауын пайдаланушылар деңгейінде пысықтауды талап ететін мәселелер бар, жағдайды жеткізуге тырысамыз. Қазіргі жағдайда шетелдік инвесторларға сатып алуда жергілікті қамтуға көбірек көңіл бөлу талаптары орынды әрі негізді болады деп ойлаймын.
Зауыттардан кейін халық қалаулылары Қызылжар ауданы, Бишкүл ауылына барып, оңтүстік өңірлерден көшіп келгендермен әңгімелесіп, біраз өтініш білдірушілерді қабылдады.
Солтүстіктің жаңа тұрғындарының өтініштері негізінен жаңа мектептер мен балабақшалар салу, ауылдарды абаттандыру, көп балалы отбасыларға АӘК есептеу тәртібі, малға жайылымдық жерлердің жоқтығы, т.б. мәселелерге қатысты болды.
Оңтүстіктен көшіп келген тұрғындардың қалай өмір сүріп жатқанын білу үшін Чапаево ауылындағы бір отбасының үйіне кіріп, дастарханнан дәм де татты.
- Үйлері жарық, ұқыпты, жылы; үйге су құбыры тартылған. Бірақ, қосалқы шаруашылыққа (10 сотық) жер тым тар, ауылда, тіпті қожалығы барларға 20-30 сотық жер бөлуге болар еді. Бұған қоса, қоныстанушылардың өздеріне де дәл осындай қаражат бөлінсе, олар өздеріне кеңірек әрі берік үйлер тұрғызар еді, екі жыл бұрынғы Мақтаарал су тасқынының тәжірибесі көрсеткендей, тұрғындар салған үйлер мердігерлер салған үйлерден айтарлықтай жақсырақ болған, - дейді «ақжолдықтар».
Депутаттар өтініштерді ескеріп, жаңа мектеп пен балабақша салу бойынша аудан әкімінен бюджетті нақтылау аясында бастамашылық ету үшін ұсыныстар беруін сұрады.
Келесі күні Тайынша ауданы орталығындағы бір кездері көп мақталып, кейін қылмыстық істер мен банкроттық рәсімдерге дейін жеткен «Биохим» зауытының жұмысымен танысты.
Бүгінде кәсіпорын тұрақты жұмыс істеуде, ұжым өз жұмысын бағалайды, бірден оқытылатын жергілікті жастар да осы жерден оқып шығады екен.
Мазалайтын мәселелер – әйелдердің зейнет жасы, кірме теміржол желілерінің монополистімен қарым-қатынас (мұнда да «кіріккен» оператор!), бидай мен жанар-жағармай бағасы.
Одан кейін жоспардан тыс аудандық дене шынықтыру-сауықтыру кешеніне барып, сол сәтте волейбол ойнап жатқан командалармен әңгімелесті. Ауыл мектептерінде спорт секцияларын дамыту; жазғы және қысқы Олимпиаданың сәтсіз нәтижелері, егін шаруашылығы проблемалары: ауылшаруашылық техникасына утиль алым, пайдаланылмай жатқан жерлерді қайтару, банктерде кепілге қойылған пайлар мәселесі (иелері сатып алуға дайын, бірақ банктер кепілді жеке шаруашылықтарға «бөлуден» бас тартуда) т.б. мәселелерді талқылады.
Бұқаралық спортты дамытуға қатысты «Ақ жол» фракциясы соңғы он жылдан бері бұл тақырыпты көтеріп келеді; Өткен жылы 5 жылға созылған талас-тартыстан кейін дене шынықтыру мұғалімдеріне сабақтан тыс уақытта секцияларды өткізгені үшін қосымша ақы төлеуді енгізуге қол жеткізді. Бірақ соның өзінде қосымша төлемдер мардымсыз, дені сау спортшыға күзетші болу тиімдірек. Ал банк кепіліне қатысты Азат Перуашев нақты жағдай бойынша құжаттарды жіберуді сұрады, оны анықтауға жұмыстанатынын жеткізді.
Одан кейін Тендерік ауылында «Ақ жол» демпартиясынан сайланған Ержан есімді жас әкіммен кездесті.
Шағын ауылда 90 шаңырақ ғана болғанымен, тіршілігі қыз-қыз қайнап жатыр екен. «Қаратұма» ЖШС қожайындары ағайынды Әлжановтар.
- Әлжановтармен танысу бізге қатты әсер етті. Бұл адамдар шаруашылық пен жергілікті мектепті сақтау үшін оңтүстік аймақтардан көшіп келушілерді белсенді түрде тарта бастаған. Сонымен бірге өздері үй салып беріп, үй шаруашылығына сиыр, қой сыйлауда. Осылайша ауылға он шақты отбасы тартылып, мектеп оқушыларының саны 90-нан асты (80-ге жетпеген оқушы болса, мектеп жабылып қалуы мүмкін еді).
- Бүгін міне Жетісай қаласынан (Түркістан облысы) 7 оқушы баласы бар жаңа физика пәні мұғалімінің отбасын көшіріп алуға келіскен екен , - деді мәжілісімендер.
Мектеп директоры, шаруагер Әлжановтар және ауыл тұрғындарымен кездесуде айтылған тақырыптардан мыналарды атап өтуге болады:
- ауылдық тұрғын үй құрылысын субсидиялауды енгізуді жеделдету. Сонда ағайындар тағы бірнеше үй салып, оңтүстіктен 10-15 отбасын көшіре алады;
- «Қолдау» жүйесі арқылы тыңайтқыштарға субсидия бөлудің анық жемқорлық схемасы байқалады, мұнда ШОБ өтініштері «қозғалмай», барлық қаражат 1-2 ірі компанияға түседі, мысалы, жақында бір компания 100 миллион теңге алып, қалғанының барлығын «лақтырып кетті».
- Дизельдік отынның бағасы мен сапасы: егіс науқанына дейін баға үнемі көтеріліп тұрады, аязды күні бұл дизель «ботқаға» айналады. Бөгде қоспаларға байланысты болуы мүмкін.
- Жем және олардың бағасы мәселесі өткір боп тұр. Солтүстік Қазақстан аймағында да егістіктер мен жайылымдардағы ылғалды үнемдеу шаралары қажет.
- Мектептегі барлық оқушыларды тегін ыстық тамақпен қамтуды енгізу қажет. Бүгінде бұл аз қамтылған және көп балалы отбасылардың балаларына ғана қатысты, бірақ басқа балалар кемсітушілікті сезінеді. Бұл сыныптағы көңіл-күйге кері әсер етеді.
- Ата-аналар ауыл мектептеріне «Робототехника» пәнін енгізуді сұрап жатыр. Балалар оған қатты қызығады, бірақ ауылда қажетті мұғалімдер мен қажетті құрал-жабдықтар жоқ, т.б.
Азат Перуашев: Ауылдық тұрғын үй құрылысын субсидиялау мәселесі, менің білуімше, Үкіметте қазірдің өзінде пысықталуда, біз бұл мәселені нақтылайтын боламыз. Барлық басқа тақырыптар бойынша шешімдерді іздейміз.
Парламенттік «демалыс» аясында Азат Перуашев пен Қазыбек Иса Шымкент-Түркістан облысы (4 аудан), - Жамбыл облысы (Тараз қаласы және 3 аудан), - Алматы - Алматы облысы (2 аудан), - Солтүстік Қазақстан облысының (Петропавл және 2 аудан) тыныс-тіршілігімен танысып келді.
Кәсіпорындар, еңбек ұжымдары, тұрғындардың жиындары, студенттік аудиториялар, тергеу изоляторындағы камералар, қамаудағылар мен олардың аналары, прокурорлар және адвокаттармен кездесулер өткізіп, «Ақ жол» фракциясының алдағы жұмысы үшін көп ақпараттар жинақтады.
