Азат Перуашевтың Алматыдағы өнеркәсіп ұжымдары және кәсіпкерлермен кездесуі жалғасып жатыр

Азат Перуашевтың Алматыдағы өнеркәсіп ұжымдары және кәсіпкерлермен кездесуі жалғасып жатыр

https://t.me/peruash/11852

Кеше «Ақ жол» демпартиясы Алматы қалалық филиалының төрағасы, мәслихат депутаты Олжас Нұралдиновпен бірге қаланың өндірістік кәсіпорындарының ұжымдарымен кездесуді жалғастырдық.

Мәселен, «Үркер» ЖШС-нің өтініші бойынша бұл нысанның тығырыққа тірелген жағдайымен таныстық. ЖШС директоры Азамат Қиялбаевтың айтуынша, «Ақ жол» демпартиясы Денсаулық сақтау министрлігімен санитарлық аймақ мәселесін шешкеннен кейін, қалалық Экология департаменті кәсіпкерлерге қарсы соғыс ашты. Шенеуніктер барлық нормаларды бұза отырып, кәсіпорынды ескертпестен және сот шешімінсіз кәсіпорынның шығарындыларының барлық талаптарға сәйкестігін растайтын бұрынғы құжаттардың күшін жойды. Ал содан кейін мемлекеттік мекеменің талап-арызына сәйкес, сот 1967 жылдан бері зауыт шығарып келе жатқан бетонды өндіруге 3 жылға тыйым салды. Сонымен бірге қоршаған ортаға шығарылатын эмиссиялардың сәйкестігін растау енді мүмкін емес, өйткені өлшеулер жұмыс істеп тұрған жабдықта жыл бойы жүргізілуі керек.

Кәсіпорын әбден әбігерге түсті. Ондаған адам жұмыссыз қалып, кәсіпкерлік қызмет тоқтап қалды. «Ақ жол» демпартиясының осындай жағдайдағы басқа да ондаған зауыттардың тағдыры үшін табысты күресі туралы біле отырып, бүкіл ұжым кәсіпорынды шенеуніктердің бассыздығынан қорғауды сұрады. Анық-қанығына жететін боламыз.

Hyundai Trans Kazakhstan зауытында "Астана Моторс" бас директоры Бекнұр Несіпбаев бірқатар құрамдас бөліктерді өзімізде өндірумен автомобильдерді шағын түйінді құрастыруға (CKD) көшуді көрсетті.  Еске сала кетейін, ірі түйінді құрастырудан (халық «дөңгелекті бұрай салу» деп атап кеткен) локализациясы және жергілікті қамтылуы ұлғайған шағын түйінді өндіріске көшу міндетін Президент Қ.Тоқаев 2023 ж. Қазақстан халқына Жолдауында және биылғы жылдың 7 ақпанындағы Үкімет отырысында алға қойған болатын. Бір жыл бұрын осы кәсіпорынға барған кезде зауыт иесі Нұрлан Смағұлов бізбен CKD-ға көшу жоспарларын бөліскен еді - ал, бүгін біз жұмыс барысының өзін және жаңа өндіріс желілерін көрдік. Сонымен қатар, біз мультибрендті зауыттың (мұнда кейін электромобильдер мен гибридті модельдер шығаруды игеру жоспарлануда), сондай-ақ құрастырылатын автокөліктерге арналған бөлшектерді шығаратын зауыттың құрылыс барысымен таныстық.  Бұл бизнес пен Өндірісті дамыту қоры арасындағы ынтымақтастықтың ең жарқын және табысты үлгісі.

Саладағы кәсіпорындарды одан әрі қолдау бойынша қажетті шараны, сондай-ақ осы тәжірибені мұнай-газ, тау-кен металлургиясы, жол, құрылыс, энергетика және т.б. салаларда өндірісті ұйымдастыру үшін пайдалануды талқыладық.

Қорғаныс кәсіпорындарының бірінде  механик-жүргізушілер мен бронетехника қуаттаушыларының (танк, соғыс машиналары), жауынгерлік авиация ұшқыштарын оқытуға арналған тренажерлардың;  жеңіл атыс қаруларының (гранатометтер мен ПТУРС қоса алғанда); атысты басқару жүйелері және т.б. отандық әзірлемелерімен таныстық. Зауыт басшылығы заманауи жабдықтарды пайдалана отырып, осы кешендердің өндірістік процесін, соның ішінде алдыңғы қатарлы шетелдік әскери техника үлгілері үшін бөлшектерді цифрлық прототиптеуді көрсетті.

Өндірілген жабдықтардың қарулы күштердің оқу-жаттығу орталықтарында сәтті қолданылып жатқанын, сонымен қатар, әскери техниканың үздік шетелдік түрлерін шығаруды игеру мақсатында отандық ірі өндірушімен ынтымақтастық орнатылғанын мақтанышпен жеткізді.

Компания қорғаныс және өнеркәсіп министрліктерімен талқылауды жоспарлап отырған бірқатар мәселені атап өтті.

"Темірбетон-1" зауытында еңбек ұжымын кәсіпорынның 70 жылдық мерейтойымен құттықтап, Қазақстанның құрылыс саласына қосқан зор үлесі үшін алғыс білдірдім. Бас директор Асқар Бисқұлтанов («Ақ жол» демпартиясы Алматы қалалық кеңесінің мүшесі, мәслихаттың VII шақырылым депутаты) өндірісті жаңғырту мәселесіне тоқталып, көп жылдар бойы талмай еңбек еткен үздік қызметкерлерді атады. Партия атынан оларға өз ризашылығымды жеткіздім. Алматы облысы Құрылыс басқармасының мердігерге суару желілерін қалпына келтіру бойынша төлем жасамау мәселесін талқыладық. Соның салдарынан зауыт осы жобаны жүзеге асыру үшін «Бәйтерек» холдингінен алған несиенің төлем мерзімін кешіктіріп отыр. Холдинг басшылығы Ауыл шаруашылығы министрлігі және әкімдікпен мәселені талқылауды жалғастыруға келістік.

Сондай-ақ, "Нархоз" университеті директорлар кеңесінің төрағасы Болат Мұқышевпен және осы оқу орнының президенті Қанат Қожахметпен де кездестік.

Экономиканың саласы ретінде жекеменшік білім беруді дамыту перспективаларын және Орталық Азия елдері, Ресей және Қытай үшін білім беру қызметтерін экспорттауды талқыладық. Бұл университетте қазірдің өзінде бірқатар шет елдерден, соның ішінде Еуропа мен АҚШ-тан келген студенттер оқып жатыр. Мәселе Ұлыбританияның, АҚШ-тың, БАӘ-нің, Малайзияның және басқа да білім саласындағы жетекші елдердің жекеменшік университеттерінде болғандай, бұл саланы ақылы негізде шетелдік студенттерді жаппай тарту арқылы экономиканың толыққанды секторына айналдыруға мемлекет тарапынан көмек көрсетіп жатыр.

Осы мәселе бойынша бірігіп жұмыс істейміз.

Осымен Алматыға сапарым тәмамдалып, Қостанайға ұштым.