07
Наурыз
Ақжолдықтар Бадам ауылдық округінде Green Technology Industries заводының жұмысымен танысты
7 наурыз 2025 жыл, Түркістан облыстық филиалы
“Ақ жол” партиясының төрағасы, ҚР Парламенті Мәжілісінің депутаты Азат
Перашев, төраға орынбасары, ақын, ҚР Парламенті Мәжілісінің депутаты Қазыбек
Иса, төраға орынбасары Болат Өтепбай бастаған топ Ордабасы ауданы, Бадам
ауылдық округінде Green Technology Industries заводының жұмысымен танысты.
Кәсіпорынның тыныс-тіршілігін көруге “Ақ жол” партиясының Түркістан
облыстық филиал төрағасы Абзал Мырзаханұлы мен Алматы облыстық филиал
төрағасының орынбасары Абзалбек Сағынбекұлы да келді.
Зауыт күніне 60 тонна баклашканы өңдеуге қауқарлы. Пластмасса құтыны қайта
өңдеп, флекс шығарады.
Зауыттың ендігі межесі 2024-2026 жыл аралығында 50 000 тонна волокно шығаруды жоспарлап отыр.
“Қазіргі таңда волокноға сұраныс жоғары”,- дейді компания басшысы Мақсат
Раманқұлов.
Волокнодан машинаға, ғимаратқа қажетті утеплитель, киімнің жылылығын арттыратын наполнитель,
түрлі жамылғы, тіпті жіп жасауға да болады.
Қазақстанда жыл сайын 5-6 млн. тонна
қатты тұрмыстық қалдық жиналады. Оның ішінде 150-200 мың тоннасы қоқыс полиэтилен бутылкалар екен. Бірақ бұл
бутылкалардың барлығы аталмыш кәсіпорынға жеткізілмейді. Біршама бөлігі
полигонға кетсе, тағы бір шама бөлігі көрші елге экспортталады.
Волокноның бағасы бір тонна медттің бағасымен пара-пар. Волокно деген- миронос қойдың жасанды жүні
деуге де болады. Жүннен бөлек жіп те жасалады. Волокно шығаратын Қазақстанда
жалғыз зауыт осы. Ал, флекс шығаратын зауыт Алматы мен Петропавлда бар. Алайда
олардың өндіретін өнімі Green Technology
Industriesпен салыстырғанда азырақ.
“Қазақстанда қоқыс жинау мәдениеті қалыптаспаған. Шетелде қоқыс тастауға
шыққан әрбір тұрғын бірден сорттап, түрлі контейнерге салады. Болмаса қоқыс басында жұмысшылар тұрып, сорттап, мекемелерге
жинақтап жібереді. Біздің елде бұл мәселе әлі күнге дейін шешімін таппай
келеді. Сонымен қатар, 2022 жылы шекара
жабылған кезде зауыттың өндіретін өнімі еселеп артты. Шекараны қалай ашты, біздің зауыттың
тіршілігі тоқтады. 300 адам жұмыс істейтін. Олардың да отбасы бар асырап
отырған. Ал бізге шикізат керек. Сыртқа
шықпай осында келсе, біздер жұмысшыларды жұмыспен қамти алатын едік. Көрші
Өзбекстанда 2013 жылдан бері мұндай пластик бутылкаларды сыртқа шығармайды.
Енді бізге де сондай заң қажет”,- дейді компания басшысы Мақсат Раманқұлов.
Жұмысшылар үшін барлық жағдай жасалған. Арнайы қонақ үйде жатып жұмыс
істеуіне мүмкіндіктері бар.
