16
Сәуір
«Инновациялық технологиялар паркі» АЭА «Ақ жол» депутаттарына өзекті мәселелер туралы айтты
16 сәуір 2022 жыл, «Ақ жол» демократиялық партиясының Алматы қалалық филиалы
«Инновациялық технологиялар паркі» АЭА «Ақ жол» депутаттарына өз мәселелері туралы айтты. Арнайы экономикалық аймақ Алматы қаласы, Медеу ауданы, Алатау кентінің аумағында орналасқан 163 гектар жерді құрайды.
Бірнеше жыл бұрын технопарктің жанында шағын ауылдар мен бау-бақша шаруашылықтары пайда болды. Бұл елді мекендер Алматы облысының Талғар ауданына жатады.
Осы ауылдардың тұрғындары үшін АЭА өз аумағы арқылы жалғыз асфальтталған жол арқылы өткізу жүйесін ұйымдастырған болатын. Алайда жөндеу-құрылыс жұмыстарына байланысты аталған жолды жабуға тура келіп отыр.
Азаматтар тарапынан әлеуметтік шиеленісті шешу үшін АЭА бірнеше рет Алматы қаласы мен Алматы облысының (Талғар ауданы) тиісті атқарушы органдарына хат жолдады. Бірақ екі жыл бойы бұл мәселе ашық және шешілмей келе жатыр.
Осыған байланысты АЭА басшылығы «Ақ жол» парламенттік фракциясының депутаты Андрей Линникке және қалалық мәслихат депутаттары А. Бискультановқа, Е. Омархановқа және партияның Алматы филиалының төрағасы О. Нұралдиновке осы мәселені шешуге көмек көрсетуді сұрап жүгінді.
Сонымен қатар, аталмыш «Өмір жолы» велосипед қоғамы, кәсіби велосипедшілер мен конькимен жүгірушілер үшін үлкен маңызға ие.
Бұған дейін спортшылар А.Линникке конькимен жүгіру Федерациясының Президенті және велошабандоз ретінде көмек сұраған. Олар күнделікті жаттығулар үшін АЭА арқылы өтетін асфальтталған учаскені қолжетімді етуді сұрады. Атлеттердің үндеуінен кейін АЭА басшылығы 2022 жылдың 16 сәуірінен бастап спортшыларға жаттығуға рұқсат беруге келісті.
