28
Наурыз
Көгершін Шәкірқызы аудандық комиссия мүшелерімен жұмыс кездесуін өткізді
28 наурыз 2025 жыл, Алматы қалалық филиалы
2025 жылдың 28 наурызында «Ақ жол» партиясы Алматы қалалық филиалында
Алматы қалалық филиалы кеңесінің мүшесі, Алматы қалалық ардагерлер кеңесінің
мәдениет және ұлтаралық қатынастар жөніндегі комиссиясының төрағасы Көгершін
Шәкірқызы аудандық комиссия мүшелерімен жұмыс кездесуін өткізді.
Кездесу барысында комиссияның тоқсандық есебі мен Жеңістің 80 жылдығына
арналған Гала концертке дайындық мәселелері талқыланды.
Еске салайық, Көгершін Шәкірқызы Алматының 8 ауданында ұйымдастырылған
шоу-бағдарламаларға белсене қатысып, қала бойынша зейнеткерлер мен ардагерлер
кеңесінің мүшелерінен құралған топтардың шығармашылық өнерін тамашалады.
Аталған шара аясында ағымдағы жылдың 28 сәуірінде Жамбыл Жабаев атындағы Қазақ мемлекеттік
филармониясында өтетін Жеңістің 80 жылдығына арналған Гала концертте өнер
көрсету үшін әр ауданнан 2 үздік шығармашылық топ іріктеліп алынды.
Фестиваль бағдарламасы аясында қала ардагерлерінің аты аңызға айналған
шығармашылық ұжымдары өнер көрсетеді:
• 50 жылдық тарихы бар Түрксіб
өңірінің «Россиянка» хоры;
• Аудан мен қалада ғана емес,
қаладан тыс жерлерде де өнер көрсеткен Наурызбай ауданының «Арай» хоры;
• Көрші елдермен қатар, Еуропа
мен Америкада да өнер көрсеткен Алатау өңірінің «Рух» хоры;
• Бостандық ауданының
«Бидангил» корей ансамблі — Кореяны жарқын өнерімен және ұлттық киім
үлгілерімен бағындырған ұжым;
• Қазақ КСР еңбек сіңірген
қайраткері А. Жайсанбаева басқаратын, Әуезов ауданындағы аты аңызға айналған
«Ақ ниет» хоры;
• Жетісу ауданының «Жетісу
таңдары» хоры;
• Медеу ауданындағы барлық
қалалық іс-шараларға белсене қатысатын «Думан сазы» ансамблі.
Кездесу соңында комиссия мүшелері Көгершін Шәкірқызын өткен туған күнімен
құттықтады.
Филиал төрағасы Олжас Нұралдинов атынан және «Ақ жол» ҚДП Алматы қалалық
филиалының ұжымы Көгершін Шәкірқызына зор денсаулық, шығармашылық табыс және
барлық бастамаларына сәттілік тілейді.
Ақ жол!
