15
Қыркүйек
Мейраш Шынасилова «Қазақстан әйелдері қозғалысы» өкілдерімен әйелдердің зейнет жасын төмендету мәселесін талқылады
2026 жылғы 15 қыркүйек, «Ақ жол» Демократиялық партиясының баспасөз қызметі
«Ақ жол» Демократиялық партиясы фракциясының Құрылтай депутаты Мейраш Шынасилова «Қазақстан әйелдері қозғалысының» өкілдері Майкен Бигарстанова және Раукен Абиловамен кездесті.
Кездесу барысында тараптар әйелдерді әлеуметтік қорғау мәселелерін, соның ішінде Қазақстандағы әйелдердің зейнет жасын төмендету жөніндегі бастаманы талқылады.
Қозғалыс өкілдері осы мәселеге қатысты әйелдердің ұстанымын жеткізіп, зейнет жасына таяған әйелдердің жағдайына әсер ететін еңбек жағдайын, әлеуметтік жүктемені және өзге де факторларды ескеру қажеттігіне назар аударды.
Мейраш Шынасилова азаматтық бастамалармен ашық диалог жүргізудің, сондай-ақ зейнетақымен қамсыздандыру мен әлеуметтік саясатқа қатысты ұсыныстарды жан-жақты зерделеудің маңыздылығын атап өтті.
Кездесу қорытындысында депутат айтылған ұсыныстар мен уәждердің қосымша зерделеніп, депутаттық жұмыс аясында қаралатынын жеткізді.
