14
Наурыз
Олжас Нұралдинов жеңіл өнеркәсіп комитетінің жұмыс отырысына қатысты
14 наурыз 2025 жыл, Алматы қалалық филиалы
2025 жылғы 13 наурызда «Ақ жол» партиясының Алматы қалалық филиалының
төрағасы Олжас Нұралдинов Қазақстан Республикасының Инновациялық-индустриалды
даму альянсы жеңіл өнеркәсіп комитетінің жұмыс отырысына қатысты.
Кездесуге отандық тоқыма өнеркәсібінің өндірушілері: “Adili” брендінің
негізін қалаушы Әділ Индира, “Mimioriki” балалар киімдері брендінің негізін
қалаушы Инна Апенко, “Elected_brand” брендінің негізін қалаушы Әсел Байсақова,
сондай-ақ Альянс президенті, “DolcePharm” компаниясының басшысы Елена Ли
қатысты.
Отырыстың негізгі күн тәртібі жеңіл өнеркәсіптегі, атап айтқанда тоқыма
өнеркәсібіндегі, киім, отандық тауар өндірушілерді қолдау мәселесі болды.
Инновациялық-индустриалды даму альянсы жанындағы жеңіл өнеркәсіп комитетінің
үйлестірушісі Индира Әділдің айтуынша, 2024 жылдың 9 айында Қазақстан
Республикасының жеңіл өнеркәсіп нарығы 234,4 млрд теңгені құрады, оның 94,7%-ы
импорт, ал 5,3%-ы ОТӨ үлесіне тиесілі. Сондай-ақ, негізгі проблемалар атап
өтілді, соның ішінде:
- киім мен тоқыма бұйымдарына арналған химиялық заттар мен бояулардың
болмауы;
- мемлекеттік тапсырыстарға көбірек тәуелділік (жұмыс киімдері мен арнайы
формалар);
- Контрафактілік және контрабандалық киім-кешек пен аяқ киімнің жоғары
көлемі.
Өз кезегінде «Ақ жол» партиясы
Алматы қалалық филиалының төрағасы Олжас Нұралдинов отандық кәсіпкерлерді
қолдайтын бірнеше ұсыныс айтты. Мәселен, Олжас Нұралдинов ұсынып отырғандай,
жергілікті атқарушы органдар АЭА туралы нақты түсінік беріп, еркін аймақтар
болса, отандық тауар өндірушілерге басымдық беруі керек. Өкінішке орай, арнайы
аймақтардағы көптеген аумақтар жеке ұйымдар арасында бөлінген және жұмыс
істемейді. Олжас Нұралдинов жиынға қатысушылардың сараланған немесе 0 пайыздық
салық салу туралы ұсынысын қолдап, ҚР Парламенті Мәжілісіндегі «Ақ жол» фракциясы
әр сала өз саласына сәйкес тиісті салық төлеуі керек деген тақырыпты көтергенін
атап өтті.
Кәсіпкерлер үшін тағы бір өзекті мәселе мемлекеттік сатып алуға қатысу
мәселесі болды. Қазақстан Республикасы тамақ және жеңіл өнеркәсіп
қауымдастығының мәліметтері бойынша 2024 жылдың 9 айында квазимемлекеттік
сектордың мемлекеттік тапсырыстары мен сатып алулары арқылы көрсетілген қызмет
көлемі 80 млрд теңгеден астамды құрады. Алайда бүгінде мемлекеттік сатып алу
порталында «Отандық өнім өндіруші» ретінде қатысу функциясы жоқ.
Жеңіл өнеркәсіптегі тағы бір өзекті мәселе – Қазақстандағы электронды
коммерция арқылы киім, аяқ киім және тоқыма саудасы. Жеңіл өнеркәсіп өкілдері
26 ақпанда ҚР Парламенті Мәжілісінде “отандық бизнесті әділетсіз импорттан
қорғау қажет” депутаттық сауалын жолдаған “Ақ жол” партиясының Төрағасы,
Қазақстан Республикасы Парламенті Мәжілісінің депутаты Азат Перуашевке
алғыстарын білдірді. «Mimioriki» отандық брендінің негізін қалаушы Инна Апенко
ақжолдықтардың ұстаныммен келіседі және оның айтуынша: «Қазақстандағы шетелдік
маркетплейстердің қызметін дұрыс реттемей, отандық өндірушілер әділетсіз ортада
бәсекелеседі».
Отырыс соңында қатысушылардың барлық ұсыныстары хаттамаға алынады және
комиссия жұмысына қабылданады. Қазақстандағы жеңіл өнеркәсіпті кластерлік
дамыту және салық салу бойынша ұсыныстар «Ақ жол» ҚДП Алматы қалалық филиалының
төрағасы Олжас Нұралдиновке жолданады.
