08
Наурыз
"Ақ жол" жұмысшыларды сайлау күні өз таңдауын жасауға шақырды
8 наурыз 2023 жыл, «Ақ жол» демократиялық партиясының баспасөз қызметі
«Ақ жол» демпартиясы Республикалық
штабының мүшелері Павлодар қаласына барды.
Бүгін Республикалық штаб мүшелері Берік
Дүйсембинов, Дмитрий Васильев, «Ақ жол» демпартиясынан бір мандатты округ
бойынша кандидат Фуат Сатыбаев, жергілікті мәслихат депутаттығына кандидаттар
Павлодар облысындағы «Мерусарии және К» ЖШС еңбек ұжымымен кездесті.
«Ақжолдықтар» партияның саяси бағдарламасын таныстырып, сыбайлас жемқорлықпен күрес, Парламенттік республикаға көшу мәселелеріне тоқталды. Сондай-ақ, ипотекалық несиенің жоғары пайыздық мөлшерлемелері, жұмыссыздық, салалық ҚҚС мөлшерлемелері, оффшорлардағы қаржыны қайтару, инфляциямен күрес және тұрғын үй бағасының қымбаттауына қатысты мәселелер көтерілді.
Партияның сайлауалды бағдарламасын таныстырған соң кандидаттар Парламентте атқарылған жұмыстар жайлы айтты. Жұмысшылар көкейдегі сұрақтарын қойды. Көпшілікті әлеуметтік әділеттілік, «жеке тұлғалардың банкроттығы туралы» заң мен әділ сайлау мәселелері қызықтырды.
Жұмысшылардың бірі тәуелсіз бақылаушылар санының жеткіліксіздігін айтып, халықтың сайлаудың әділ өтетініне сенуден қалғанын, тәжірибе көрсеткендей, сайлау учаскелеріне келмеген адамдардың орнына бюллетеньдер толтырылып тасталатынына назар аударды.
«Сайлау процесінің ашықтығы мен жариялылығын қамтамасыз ету мақсатында біз дауыс беру күні сайлау учаскелеріндегі барлық рәсімдерге бейнебақылау енгізуді ұсынамыз. Сондай-ақ, электронды дауыс беруді енгізуді қарастыру қажет. Қазір барлығын телефон арқылы жасаймыз. Көптеген сайлаушылар дауыс беру күні кезекте тұрғысы келмей, дауыс беру құқығын пайдаланбайды. Бұл тармақтарды енгізбейінше, дауыс бергендердің нақты санын біле алмаймыз», - деді Берік Дүйсембинов.
Кандидаттар сайлау бюллетеньдерін
толтырып, сайлауды бұрмаламау үшін жиналғандарды 19 наурыз күні сайлау
учаскелеріне келіп, өз таңдауын жасауға шақырды. Ал, «Ақ жол» демократиялық
партиясына дауыс беру ең дұрыс таңдау болады.
