06
Сәуір
Азат Перуашев Торғай облысын қалпына келтіруді ұсынды
6 сәуір 2022 жыл, "Ақ жол" демократиялық партиясының баспасөз қызметі
Арқалық өңірі халқының сұрауы бойынша Торғай облысын қалпына келтіру керек. Бұл туралы бүгін ҚР Парламент мәжілісінің жалпы отырысында "Ақ жол" партиясының төрағасы, Мәжіліс депутаты Азат Перуашев мәлімдеді.
Атап өту керек, Мемлекет басшысы Қасым-Жомарт Тоқаев Қазақстан халқына арнаған Жолдауында елімізде Абай, Ұлытау және Жетісу облыстары құрылатынын айтқан болатын.
Бүгін Мәжілістің жалпы отырысында Азат Перуашев Мемлекет басшысының бұл игі бастамасын қолдай келе, Арқалық өңірі тұрғындарының сұрауы бойынша бұрынғы Торғай облысын қайта қалпына келтіру мәселесін қарастыруды ұсынды.
- Арқалық өңірінің тұрғындары кездесулерде Торғай облысын қалпына келтіру туралы әділ талаптарын алға тартты. «Ақ жол» фракциясы бұл талаптарды негізді деп санайды. Біз Мемлекет басшысына ұсыну үшін Үкіметке осы мәселені қарастыруды ұсынамыз, - деді А.Перуашев.
