07
Наурыз
Ақжолдықтар Отырар ауданындағы Арыстан баб және Түркістан қаласындағы Қ.А. Ясауи кесенелеріне барды
7 наурыз 2025 жыл, Түркістан облыстық филиалы
«Ақ жол» партиясының төрағасы, ҚР Парламенті Мәжілісінің депутаты Азат
Перуашев бастаған топ Отырар ауданындағы Арыстан баб және Түркістан қаласындағы
Қ.А. Ясауи кесенелеріне барды.
Жылдағы үрдіс бойынша құрбандық шалып, бабалар рухына құран бағыштады.
«Ақ жол» партиясының Түркістан облыстық филиалы осымен 14-інші жыл
қатарынан жамағатқа ауызашар өткізіп келеді.
Мұсылманның бес парызының бірін орындап жүрген партияластар ауызашарға
қатысып, дастарханнан дәм татты. Ауызашарға Шымкент, Астана, Алматы өңірлерінен
келді.
Мешіт имамы тілектердің қабыл болуын тілеп, жиналған көпшілікке Рамазан
айының қасиеті мен артықшылығы жайында мазмұнды да көркем уағыздар айтты.
«Ардақты Пайғамбарымыздың (оған Алланың салауаты мен сәлемі болсын) бір
хадисінде: «Ораза – сабырдың жартысы» деген. Расында, ораза шыдамдылыққа
үйретеді. Сабырлық пен тәубеге шақырады», - дейді мешіт имамы.
