24
Қантар
Б.Сандыбаев тұрақты комиссия мүшелерімен бірге Жаңақорған ауданының елді мекендерінде болды
24 қаңтар 2025 жыл, Қызылорда облыстық филиалы
"Ақ жол" партиясы Қызылорда облыстық филиалының төрағасы,
партиядан сайланған облыстық мәслихат депутаты Б.Сандыбаев Жаңақорған ауданы
тұрғындарынан түскен өтініш-арыздарды зерделеу мақсатында облыстық бақылау
жөніндегі басқармасының басшысы Ғ.Қалиевпен және өзі төрағалық ететін тұрақты
комиссия мүшелерімен бірге Жаңақорған ауданының елді мекендерінде болды.
Алдымен Ақүйік елді мекені тұрғындарының су қоймасын салу бойынша көтеріп
жүрген мәселесіне орай Акүйік өзенінің бойына барып, оның орналасу жерін көріп,
мәселені әлі де толықтай зерттеу
керектігіне көз жеткізді.
Одан соң, Жаңаарық ауылындағы
Сырдария өзенінің бойына салынған автокөлік көпірінің сол жағындағы Дария жағасының желініп жатқан жерін көрді.
Мұнан кейін, Қаратөбе ауылындағы көпірді реконструкциялау жұмыстарымен
және Жаңақорған кентіндегі «Руханият
орталығы» мен әлеуметтік жағдайы төмен
отбасыларға сатып алынатын пәтерлерді аралады.
