28
Ақпан
Дүниежүзілік үкіметтік емес ұйымдар күні кең көлемде аталып өтті
28 ақпан 2025 жыл, Ұлытау облыстық филиалы
Ұлытау облысының орталығы Жезқазған қаласында Дүниежүзілік үкіметтік емес
ұйымдар күні кең көлемде аталып өтті. Мереке күнге орай Жезқазған қаласының
әкімдігі, Жезқазған қаласы әкімі Қайрат Шайжановтың тікелей қолдауымен бұл күн
жылда тиісті деңгейде ұйымдастырылып келеді. Мәселен үкіметтік емес
бірлесіктердің қоғамда орны айрықша. Мемлекеттік ұйымдар айналасына бей-жай
қарамайтын, қашанда қоғаммен тығыз байланыста болып, зор белсенділік танытуда
еңбектері ұшан-теңіз. Мемлекет тарапынан да ҮЕҰ ға көзқарас оң, әлеуметтік
тапсырыс, гранттар, стратегиялық әріптестік ретінде де қаржыландыру, түрлі
қолдаулар аз емес. Айтулы мереке қарасыңда ұйымдастырылған іс-шараға
қатысушыларды Жезқазған қаласы әкімінің орынбасары Әбен Берік Әбдіқамалұлы
шынайы құттықтап, шексіз ризашылығын білдіріп, жылбойы бірге қоян-қолтық
қоғамға жанашырлықпен белсенді жұмыстар атқарған үшін «Ақ жол» Қазақстанның
Демократиялық партиясының Ұлытау облыстық филиалын қала әкімінің алғыс хатымен
марапаттап, сый-құрмет көрсетті. Бұл марапаттың астарында облыстық
ақжолдықтардың яғни әріптестердің өлшеусіз еңбегі жатыр. Барша әріптестерімізді
осы жеңісімен құттықтап, алдағы уақытта да бірлікпен ел игілігі жолында еселі
еңбек пен толайым табыстар тілейміз!
