«ХХІ ғасырдағы Алаштың Ақ жолы» жалпыұлттық байқауының екінші кезеңі аяқталды

«ХХІ ғасырдағы Алаштың Ақ жолы» жалпыұлттық байқауының екінші кезеңі аяқталды

16 қараша 2024 жыл, “Ақ жол” Демократиялық партиясының баспасөз бөлімі

Қызылорда қаласындағы Қорқыт ата университеті Студенттер сарайында «Ақ жол» демократиялық партиясының дәстүрлі «XXI ғасырдағы Алаштың Ақ жолы» жалпыұлттық байқауының екінші кезеңі өтті.

Байқауға Л.Н.Гумилев атындағы ЕҰУ Қазақ әдебиеті кафедрасының қауым. профессоры Қайырбек Кемеңгер, Қорқыт ата атындағы Қызылорда университеті Тарих факультетінің деканы, т.ғ.к., «Шоқайтану» орталығының жетекшісі Сағат Тамшыбайұлы Тайман және “Адырна” ұлттықпорталының жетекшісі Арман Әубәкір қазылық етті.

Оған қоса «Ақ жол» партиясының төрағасы Азат Перуашев, ҚР Парламенті Мәжілісі «Ақ жол» фракциясының аппарат жетекшісі Берік Дүйсембинов, партияның Орталық аппаратының басшысы Асылхан Қожахметов, Қорқыт ата атындағы Қызылорда университеті Басқарма мүшесі – Ғылыми жұмыс және халықаралық байланыстар жөніндегі проректорі Майнура Бөрібаева қатысып, сөз сөйледі.

Сараптау комиссиясы байқауға түскен жұмыстарды тексеріп, 4 номинация бойынша жалпы саны 41 үздік жұмысты екінші кезеңге іріктеді.

Еліміздің әр аймағынан келген 41 қатысушы «АЛАШ» ҚАЙРАТКЕРЛЕРІНІҢ АЛАШ РЕСПУБЛИКАСЫНЫҢ МЕМЛЕКЕТТІК ҚҰРЫЛЫМЫ ТУРАЛЫ ИДЕЯСЫ ЖӘНЕ ОНЫҢ ҚАЗІРГІ ҚАЗАҚСТАН ҮШІН ӨЗЕКТІЛІГІ», АЛАШ ҚАЙРАТКЕРЛЕРІНІҢ ОҚУ-АҒАРТУ МЕН ҒЫЛЫМДАҒЫ ҰСТАНЫМЫ ЖӘНЕ ОНЫҢ ҚАЗІРГІ ҚАЗАҚСТАН ҮШІН МАҢЫЗЫ», «АЛАШ ҚАЙРАТКЕРЛЕРІНІҢ ЭКОНОМИКАЛЫҚ КӨЗҚАРАСЫ ЖӘНЕ КӘСІПКЕРЛІКТІ ДАМЫТУ», «АЛАШ» РЕСПУБЛИКАСЫ – АЛДЫҢҒЫ ҚАЗАҚ ҰЛТТЫҚ МЕМЛЕКЕТТЕРІ (Көне Түркі қағанатары, Ұлық ұлыс, Қазақ хандығы) МЕН ҚАЗІРГІ ТӘУЕЛСІЗ ҚАЗАҚ ЕЛІНІҢ ТАРИХИ, РУХАНИ ЖӘНЕ ЗАҢНАМАЛЫҚ САБАҚТАСТЫҒЫН ЖАЛҒАЙТЫН КӨПІР (тарихи фактор) номинациясы бойынша бақ сынап, оның 14-і ақтық кезеңге жолдама алды.

Дәлірек айтқанда,

«АЛАШ» ҚАЙРАТКЕРЛЕРІНІҢ АЛАШ РЕСПУБЛИКАСЫНЫҢ МЕМЛЕКЕТТІК ҚҰРЫЛЫМЫ ТУРАЛЫ ИДЕЯСЫ ЖӘНЕ ОНЫҢ ҚАЗІРГІ ҚАЗАҚСТАН ҮШІН ӨЗЕКТІЛІГІ»

Монай Құлынтай – Қазақстан Республикасы ІІМ Б. Бейсенов атындағы Қарағанды академиясының аға ғылыми қызметкері.Гуманитарлық ғылымдар магистрі (Қарағанды қ.)

Елнұр Әскенұлы – Жамбыл облысы, Қордай ауданы, Қордай ауылы, № 4 Б.Бөлтірікова атындағы мектеп-лицейінің тарих пәніні мұғалімі (Жамбыл обл.)

Дарын Асфандиярұлы Жаһангер – Әл-Фараби атындағы КазҰУ тарих факультетінің 3 курс студенті (Алматы қ.)

АЛАШ ҚАЙРАТКЕРЛЕРІНІҢ ОҚУ-АҒАРТУ МЕН ҒЫЛЫМДАҒЫ ҰСТАНЫМЫ ЖӘНЕ ОНЫҢ ҚАЗІРГІ ҚАЗАҚСТАН ҮШІН МАҢЫЗЫ»

Ертай Нұрбекұлы Бәліл – Абай атындағы ҚазҰПУ, филология факультеті, 1 курс докторанты (Алматы қ.)

Зарина Емберген – «І.Жансүгіров атындағы Жетісу университеті» КЕАҚ, 4 курс студенті (Талдықорған қ.)

Еламан Қаділәшім – «Aiqara.kz» ақпараттық агенттігінің әдеби редакторы (Павлодар)

Гүлзат  Бурабайқызы  Шынтасова –Қызылорда қаласындағы химия-биологиялық бағыттағы Назарбаев Зияткерлік мектебінің қазақ тілі мен әдебиет пәні мұғалімі (Қызылорда қ.)

«АЛАШ ҚАЙРАТКЕРЛЕРІНІҢ ЭКОНОМИКАЛЫҚ КӨЗҚАРАСЫ ЖӘНЕ КӘСІПКЕРЛІКТІ ДАМЫТУ»

Дамир Исиргенов – «Назарбаев Зияткерлік мектептері» ДББҰ Қостанай қаласындағы «физика-математикалық бағытындағы Назарбаев Зияткерлік мектебі» филиалыныңҚазақстан тарихы мұғалімі (Қостанай обл.)

Қанат Қоянбаев – Шоқан Уәлиханов атындағы Көкшетау университеті, тарих-дінтану мамандығының 4-курс студенті (Ақмола обл.)

Қарақат Махмұдова – Л.Н.Гумилёв атындағы Еуразия ұлттық университеті, экономика факультетінің 4 курс студенті (Астана қ.)

Латифа Мыңжасарова - Л.Н.Гумилёв атындағы Еуразия ұлттық университеті, экономика факультетінің 4 курс студенті (Астана қ.)

«АЛАШ» РЕСПУБЛИКАСЫ – АЛДЫҢҒЫ ҚАЗАҚ ҰЛТТЫҚ МЕМЛЕКЕТТЕРІ (Көне Түркі қағанатары, Ұлық ұлыс, Қазақ хандығы) МЕН ҚАЗІРГІ ТӘУЕЛСІЗ ҚАЗАҚ ЕЛІНІҢ ТАРИХИ, РУХАНИ ЖӘНЕ ЗАҢНАМАЛЫҚ САБАҚТАСТЫҒЫН ЖАЛҒАЙТЫН КӨПІР (тарихи фактор)

Сымбат Көшербаева – Астана халықаралық университеті, Өнер және гуманитарлық ғылымдар жоғары мектебі, ғылыми тарих факультетінің 3 курс студенті (Астана қ.)

Қанат Бердәлиев – Тараз қаласы, Төле би атындағы № 8 гимназиясының тарих пәні мұғалімі (Тараз қ.)

Динара Ерханқызы – Қорқыт Ата атындағы Қызылорда университеті, тарих факультетінің 3 курс студенті (Қызылорда қ.)

Еске сала кетейік, байқау биыл 13-ші рет ұйымдастырылды. Байқаудың екінші кезеңін еліміздің  әр аймағында өткізу дәстүрге айналған. Бұған дейін Семей, Алматы, Қостанай, Қарағанды, Ақтөбе, Тараз, Астана, Ақтау, Орал, Шымкент қалаларында өтті.

Іріктелген 41 қатысушының 14-і  әртүрлі номинация бойынша ақтық кезеңде бақ сынайды.