28
Наурыз
Мұхтар Шимиров реновация мәселесі бойынша тұрғындармен кездесті
28 наурыз 2025 жыл, Шымкент қалалық филиалы
Бүгін, 2025 жылғы 28 наурызда, «Ақ жол» ҚДП Шымкент қалалық мәслихатының
депутаты Мұхтар Шимиров Елшібек батыр көшесіндегі №6 үйдің тұрғындарымен реновация
мәселесі бойынша кездесті.
Реновация бағдарламасы ескі және тозығы жеткен тұрғын үйлерді жаңартуға
бағытталған маңызды қадам болып табылады. Кездесуде тұрғындар қиын жағдайда
тұрып жатқанын айтты, үйлеріне 70 жыл болғандықтан, 2024 жылдан бастап апатты
деп танылған. Үйді аралағанда дуалдарында жарықтар пайда болғанын, фундаменті
әлсірегенін, шатырынан су өтетінін, ғимараттың әбден тозығы жеткенін анықталды.
Шымкент қаласы сейсмикалық белсенді аймаққа жататын болғандықтан, мұндай
үйде тұру өте қауіпті, бірақ осы күнге дейін тұрғындар жаңа үйге көшірілмеген.
Реновация бағдарламасын іске асыру үшін инвесторлардың болуы маңызды.
«Shymkent» әлеуметтік-кәсіпкерлік корпорациясы» акционерлік қоғамы осы бағытта
инвесторларды іздеуге мүдделі, алайда осы уақытқа дейін инвестор табылмаған.
Тұрғындардың қауіпсіз әрі жайлы өмір сүруі үшін реновация мәселесін тездету
қажет екенін айтты, сондықтан бұл мәселені тиісті мемлекеттік органдардың
назарына жеткізу үшін депутаттық сауал жолдайтынын мәлімдеді.
