12
Қантар
Сәбит Досановқа «Халықаралық түркі дүниесіне қызмет сыйлығы» мен «Түркі әдебиеті қорынының сыйлығы» берілді
Бүгін Алматыда Абай атындағы Қазақ Ұлттық Университетінде көрнекті жазушы, Мемлекеттік сыйлықтың иегері Сәбит Досановқа «Халықаралық түркі дүниесіне қызмет сыйлығы» мен «Түркі әдебиеті қорынының сыйлығы» берілді. Сыйлықты Түрік жазушысы Имдад Авшар мен Әзірбайжан жазушысы Элхам Зал салтанатты түрде табыстады.
Арнайы жиынға көпшілік оқырман қауыммен қатар жазушының әріптестері, шетелдегі қаламдас достары қатысты. Жазушыны құрметті марапатымен арнайы құттықтаған Азат Перуашевтың жүрекжарды лебізін ақын, «Ақ жол» ҚДП төрағасының орынбасары Қазбек Иса жеткізді. Сондай-ақ, Түрік жазушысы Имдад Авшар мен Әзірбайжан жазушысы Элхам Залға «Қазақ Хандығының 550 жылдығына» арналған арнайы медалі табыс етілді. Қазіргі ұлт әдебиетінің дамуына елеулі үлес қосқан Досанов туындылары алыс - жақын шет елдерде де лайықты бағалануда.
«Ақ жол» ҚДП
Баспасөз қызметі
