Атыраудағы «ақжолдықтардың» іс-шаралары

Бүгін «Ақ жол» партиясының Атырау облыстық филиалының кеңсесінде сайлауды бақылау жөніндегі республикалық қоғамдық комиссияның байқаушыларымен кездесу өтті. Кездесу барысында партияның  сайлауға дайындығы туралы айтылды. Сонымен қатар, партияның сайлауалды бағдарламасындағы басым бағыттарды  басшылыққа алып, алдағы уақытта партия бағдарламасын жүзеге асыру жұмыстары мен үміткерлердің сайлаушылармен кездесулері арнайы кесте бойынша жүргізіліп жатқандығы, волонтерлардың үгіт-насихат материалдарын таратудағы белсенділіктері және сайлауды бақылаушылар туралы сөз қозғалды.



Сайлауды бақылау жөніндегі республикалық комиссияның байқаушылары өз тараптарынан сайлауға дайындық жұмысы туралы бірнеше сұрақтар қойып, филиал төрағасы оған толықтай жауап берді.



Сондай-ақ, Атырау медициналық колледжінің мәжіліс залында Атырау облысы №4сайлау округінен облыстық мәслихат депутаттығына үміткер Ермекқали Юсупов сайлаушылармен кездесті.

Кездесуді «Ақ жол» партиясы Атырау облыстық филиалының саяси жетекшісі Әбілхан Төлеуішов ашып, депутаттыққа үміткерді таныстыра келіп, оның осы уақытқа дейін атқарған істеріне тоқталды.

Бұдан кейін мәслихат депутаттығына үміткер Е.Юсупов сөз алып, сайлауалды бағдарлама жайлы баяндап, «Ақ жол» партиясы фракциясының Парламенттегі атқарған жұмыстарына тоқталып өтті.