Алматы облыстық коалициясы Елбасының бес бастамасын талқылады
2018 жылғы 16 наурыз, «Ақ жол» ҚДП Алматы облыстық филиалының баспасөз қызметі
Демократиялық күштердің Алматы облыстық коалициясының өкілдері бас қосып, Қазақстан Президенті Нұрсұлтан Назарбаевтың «Президенттің бес әлеуметтік бастамасын» талқылады.
.JPG)
Коалиция мүшесі, «Ақ жол» партиясы Алматы облыстық филиалы төрағасы Мейраш Шинасилованың айтуынша, «Бес әлеуметтік бастаманы» «Ақ жол» партиясы да зор ризашылықпен қабылдады. Партиямыздың негізгі бағыттарының бірі – кәсіпкерлікті, бизнесті қолдау болғандықтан аталған жобаның еліміздің кәсіпкерлеріне тиімді жақтарына тоқтала кетсек деймін.
– «7 – 20 – 25» бағдарламасы – өз еліміздегі тұрғын-үй мәселесін толықтай шешуге бағытталған ірі қадам. Бұл дегеніміз – елімізде баспана мәселесін шешумен қатар, құрылыс компанияларына жұмыс көлемін беру, мыңдаған жұмыс орындарының ашылуы, құрылыс материалдары нарығындағы кәсіпкерлерге берілетін үлкен мүмкіндік! - деп атап өтті.
«2022 жылдың соңына дейін 25 мың орындық жаңа студенттік жатақханалар салынады. Бұл алдағы жылдардағы тұтыну мөлшері көбеюін есепке алғанның өзінде мәселені толықтай шешуге мүмкіндік береді», – деген Президенттің бастамасы әлеуметтік саладағы үлкен өзгеріс деп есептеймін. Біздің қолымызда бар деректерге қарағанда, Астана мен Алматының өзінде ғана студенттердің 30 пайызы ғана жатақханамен қамтамасыз етілген. Қалғандары пәтер жалдауға мәжбүр.
«Ақ жол» партиясы өткен жылы осы мәселені көтергенде кейбір басылымдар өре түрегеліп, жатақхана мәселесін басқаша бұрмалап, күлкіге айналдыруға тырысқан. Уақыт – бәріне де төреші.
«Ұлттық банк кемінде 1 триллион теңге қаржы тартатын арнайы компания құрып, ол қаржыны банктердің жоғарыда айтылған шарттар бойынша беретін жаңа ипотекалық несиелерін сатып алуға жұмсауы қажет» деп атап көрсетті Елбасы.
.JPG)
Демек, енді Үкімет оның жүзеге асуына білек сыбана кірісері сөзсіз. Оптимистік жобаның жүзеге асуы үшін ең алдымен Үкіметіміздің қажыр-қайраты қажет. Үкімет Елбасы айтқан бес бастаманың, әсіресе, банктерге қатысты тұстарын қатаң бақылауда ұстаса – қарапайым халық көптен бері асыға күткен, кәсіпкерлерге пайдалы мәселелер оң шешімін табары сөзсіз.
Алматы облыстық коалиция мүшелері Елбасының 5 әлеуметтік бастамасына қолдау білдірді. Алматы облыстық коалиция құрамына 5 партия филиалы, қоғамдық бірлестік жетекшілері, үкіметтік емес ұйым мүшелері кіреді.
