23
Шілде
ДЕПУТАТ М. ҚАЗБЕКОВА АЗАМАТТАРДЫ ҚАБЫЛДАДЫ
2018 жылғы 23 шілде, «Ақ жол» ҚДП Ақмола облыстық филиалы
Парламент Мәжілісінің депутаты Меруерт Қазбекова «Ақ жол» ҚДП Ақмола облыстық филиалында азаматтарды жеке мәселелерімен қабылдады.
Көкшетау қаласының тұрғыны, зейнеткер Сұлтанбек Ахметжанов күнделікті дәрі-дәрмек пен азық-түлік тауарлары бағасының шарықтап жатқанына алаңдаушылық білдіреді. Әсіресе, зейнеткерлердің жолақысына жеңілдіктер қарастырылса деген ұсынысын да айтты.
Жеке кәсіпкер Дәурен Жарылғасов орман шаруашылығы саласындағы заң бұзушылықтарды тілге тиек етті. Осының алдында халық қалаулысы бұл мәселені Парламаент мінберінен көтерген еді. Жеке кәсіпкер осы жайды назарға алып, өзінің ризашылығын да жеткізді.
Каратэ-до спорты бойынша облыстық федерация президенті Сәкен Рақымжанов спортшыларға арналған жаттығу үйін салу барысында туындаған мәселелерді көтерсе, Зеренді ауданының тұрғыны Ағайдар Дайыров бірнеше жаңалық ашқан патент иесі екен.Осының іске асыру тетіктеріне қолдау қажет екенін алға тартты.
Жалпы, Меруерт Қазбекованың қабылдауында болған адамдар өздерін толғандырған мәселелерді арқалап қана келген жоқ, оның шешілуіне де ықпал етсе деген ниеттері бар екенін баса айтты.
