26
Қазан
Талдықорғанда «Ақ жол» ҚДП облыстық филиалының есептік-сайлау конференциясы өтті
26 қазан 2018 жыл, «Ақ жол» ҚДП Алматы облыстық филиалы
Талдықорған қаласындағы «Рухани жаңғыру» орталығында «Ақ жол» партиясы Алматы облыстық филиалының 2016-2018 жылдар аралығындағы жұмыс жөнінде есеп беру конференциясы болып өтті.
Конференцияга ҚР Парламент Мәжілісінің депутаты Ерлан Барлыбаев және Орталық Кеңестің хатшысы Әбдіразак Сұлтанов қатысты. Сондай-ақ, жиынға өңірдегі барлық аудандардан арнайы делегаттар келді.
Алматы облыстық филиалының төрайымы Мейраш Шынасилова атқарылған жұмыстарға есеп берді. Атап айтқанда облыстық филиал коалиция құрамында белсенді жұмыс жүргізуде, 8 рет облыстық Кеңес отырысы өткізілген. Онда әр түрлі саяси мәселелер талқыланып, облыс аймағында өткізілген іс-шаралар атап көрсетілді.
Облыстық Кеңес мүшесі Қ. С. Қаңтарбаев 29 маусымнан бастап ҚР Конституциясының «Сайлау заңына» еңгізілген өзгерістерге байланысты алдағы жылда комиссия құрамын жасақтауға 940 адам ұсыну және әр ауданда партиялық тізімді құру жүктелетіні туралы айтып өтті.
Пікір алмасу барысында облыстық Кеңестің мүшесі С.В.Горяной, М.А.Түсіпов және С.М.Алмабекова сөз сөйледі.
Атқарылған жұмыстарды қорытындылай келе «Ақ жол» партиясының Алматы облыстық төрайымы болып Шынасилова Мейраш қайтадан сайланды. Жаңадан Кеңес мүшелері қабылданды.
