19
Қыркүйек
Қоғамдық бақылау – ашықтықтың кепілі!
19 қыркүйек 2025 жыл, Абай облыстық филиалы
Абай облысы Семей қаласы мәслихаты төрағасының 2025 жылғы 17 қыркүйектегі №
01-05/32 өкімімен бекітілген Семей қаласының Қоғамдық кеңесінің құрамына
азаматтық қоғам өкілдері арасынан «Ақ жол» демократиялық партиясының Абай
облыстық филиалының жастар кеңесі төрайымы Бинұр Ахатқызы мүше болып сайланды.
Бұл маңызды қадам – жастардың ел дамуына қосар үлесін арттырып, олардың
қоғамдағы орнын айқындайтын айшықты оқиға. Қоғамдық кеңеске мүше болу –
жауапкершілікпен қатар, әділдік пен ашықтықты дәріптеудің жарқын үлгісі.
«Ақ жол» демократиялық партиясы әрқашан халықтың үнін жеткізіп, қоғамдағы
әділдік пен айқындықты басты құндылық ретінде ұстанып келеді. Жастардың
белсенділігі – еліміздің дамуы мен өркендеуінің кепілі.
