12
Ақпан

«Пай, пай, өмір, өтесің-ау бір күні» атты Мұқағали Мақатаевтың туған күніне арналған әдеби-сазды кеш өтті

12 ақпан 2025 жыл, Қызылорда облыстық филиалы

"Ақ жол" партиясы Қызылорда облыстық филиалы «Қызылорда Ашық университетімен» бірігіп ақиық ақын Мұқағали Мақатаевтың туған күнінің құрметіне орай «Пай, пай, өмір, өтесің-ау бір күні» атты әдеби-сазды кеш ұйымдастырды.

Шараға Қызылорда облыстық филиалының қызметкерлері мен Қызылорда қалалық мәслихатының депутаты, мәслихаттағы «Ақ жол» партиясы фракциясының жетекшісі Ғибрат Байсеитов қатысты.

Шараның мақсаты - айрықша өшпейтін із қалдырған ақынның өмірі мен шығармашылығына шолу жасап, өлеңдері мен әндері арқылы жастарды әсемдікке, елжандылыққа тәрбиелеу.

Әдеби сазды кеш барысында студенттер ақын Мұқағали Мақатаевтың «Пай, пай, өмір, өтесің-ау бір күні» поэзиясын негізге ала отырып ақынның өмірі туралы көрініс қойды. «Шеше сен бақыттысың», «Елім, саған ғашықпын», «Ақ кимешек көрінсе», «Бақыт деген не өзі?» өлеңдері оқылды. Сондай-ақ студент жастар ақынның «Саржайлау», «Сәби болғым келеді», «Есіңе мені алғайсың», «Туған жер», «Бақыт деген», "Сенің көзің" әндерінен шашу шашты.

Шара соңында  Ғ.Байсеитов жеңімпаз атанған студенттерге «Ақ жол» партиясы атынан Алғыс хат пен сыйлықтар табыстады.