13
Шілде
Риддер қаласында республикалық ұлттық ойындар өтті
13 шілде 2025 жыл, Шығыс Қазақстан облыстық филиалы
Риддер қаласында алғаш рет өткен республикалық "Ата-мұра" ұлттық
ойындарына еліміздің түкпір-түкпірінен делегациялар жиналды. Іс-шараға "Ақ
жол" партиясының Шығыс Қазақстан облыстық филиалының төрағасы Қажұмхан
Қайырденов қатысып, ұлттық дәстүрлерді дәріптейтін маңызды мәдени оқиғаға
қолдау білдірді.
Жарыс бағдарламасына қазақ халқының дәстүрлі спорт түрлері – қыз қуу, топ
бәйге, аударыспақ, шырға тарту, арқан тарту мен қазақша күрес енгізілді.
Ұлттық ойындарға Ұлытау, Шығыс Қазақстан, Абай, Қарағанды, Жетісу, Алматы,
Батыс және Солтүстік Қазақстан облыстарының, сондай-ақ Астана, Алматы, Өскемен,
Алтай, Талдықорған мен Көкшетау қалаларының өкілдері қатысты.
Бағдарлама аясында жаппай жүгіру және кешкі концерттік бағдарлама
ұйымдастырылды.
"Ата-мұра" ойындарының мақсаты – ұлттық мұраларды жаңғырту,
өңіраралық мәдени байланысты күшейту және жастар арасында патриоттық сана
қалыптастыру.
"Ақ жол" партиясы осындай шаралардың ел бірлігін нығайтудағы,
дәстүр мен тарихты бағалаудағы маңызын жоғары бағалайды.
