28
Наурыз
Руслан Мырқалықов пен Бауыржан Найзақұлов мәслихаттың тұрақты комиссияларының отырысына қатысты
28 наурыз 2025 жыл, Жамбыл облыстық филиалы
«Ақ жол» партиясынан сайланған Тараз қалалық мәслихатының депутаттары
Руслан Мырқалықов пен Бауыржан Найзақұлов мәслихаттың тұрақты комиссияларының
отырысына қатысты.
Депутат Марат Жұманқұловтың төрағалығымен өткен жиында күн тәртібіне
бірнеше мәселе енгізілді.
Комиссия отырысына ұсынылған екі мәселеге қатысты хабарламашылардың
баяндамалары тыңдалып, жер учаскесін мемлекет мұқтажы үшін алып қоюға
байланысты шарттардың жобасы зерделенді.
Депутаттар барлық мәселені қызу талқылап, Тараз қалалық мәслихатының
кезекті жиырма жетінші сессиясына қарауға ұсынды.
