24
Мамыр
Соңғы қоңырау – жаңа белестердің бастауы!
24 мамыр 2025 жыл, Абай облыстық филиалы
2025 жылдың 24 мамыр күні, Семей қаласындағы №37 мектеп-гимназиясында
салтанатты соңғы қоңырау шарасы өтті. Бұл ерекше күнге аталмыш білім ордасында
ұстаздық қызмет атқарып жүрген, сондай-ақ “Ақ жол” демократиялық партиясының
Абай облыстық филиалы жанындағы жастар кеңесінің төрайымы — Бинұр Ахатқызы
қатысты.
Бинұр Ахатқызы мектеп ұжымын, оқушыларды және ата-аналарды осы маңызды
күнмен құттықтап, шәкірттерге алдағы өмір жолында сәттілік пен жарқын болашақ
тіледі.
Айта кетерлік жайт — №37 мектеп-гимназиясы биылғы жылы еліміздегі үздік 100
мектептің қатарына еніп, білім сапасы мен тәрбие ісінде зор жетістікке қол
жеткізді. Бұл — мектеп ұжымының тынымсыз еңбегінің және оқушылардың үздіксіз
ізденісінің нәтижесі.
