28
Қараша
Қызылордада «2025-2027 жылдарға арналған облыстық бюджет» жобасының отырысы өтті
28
қараша 2024 жыл, Қызылорда облыстық филиалы
Қызылорда облыстық мәслихатының «2025-2027
жылдарға арналған облыстық бюджет» жобасына байланысты кезекті кеңейтілген
отырысы өтті.
"Ақ жол" партиясының Қызылорда
облыстық филиалының төрағасы, облыстық мәслихаттағы "Ақ жол" партиясы
фракциясының мүшесі Б.Т.Сандыбаев облыстық мәслихаттың экономика, әлеуметтік
және құқықтық мәселелері жөніндегі тұрақты комиссиясының кезекті кеңейтілген
отырысына қатысты.
Онда облыстық ветеринария және облыстық
табиғи ресурстар және табиғат пайдалануды реттеу басқармаларының (бюджеттік
бағдарлама әкімшілерінің) 2025 жылға арналған бюджет жобасы қаралды.
Депутаттар бағдарлама әкімшілерін тыңдап,
оларға қаражатты үнемді пайдаланып, жобадағы нысаналы көрсеткіштердің нәтижелі
болуы үшін жұмсалатын қаражатқа терең талдау жасалуы тиіс екендігін ескертті.
Сондай-ақ, комиссия отырысының соңында
депутаттар тарапынан қойылған сұрақтарға тиісті сала мамандары тарапынан
жауаптар берілді.
