“Ақ жол” партиясы астанада Алашқа тағзым шарасын өткізді – “abai.kz”

» Баспасөз жарияланымдар » "Ақ жол" партиясы астанада Алашқа тағзым шарасын өткізді - "abai.kz"

31.05.2021, 14:07

https://abai.kz/post/134149

“Ақ жол партиясы” Нұр-Сұлтан қаласы әкімдігінің қарсылығына қарамастан, 31 мамыр күні сағат 8:30-да Саяси қуғын-сүргін және Ашаршылық құрбандарын еске алуға арналған Алаш шеруіне шықты. Бұған дейін партия өкілдері әкімдікке шеру өткізуге қатысты рұқсат хат жазып, оған рұқсат бермегенін мәлімдеген болатын. 

Елордадағы Сейфуллин-Әуезов көшелері қиылысынан басталған “Ақ жол” партиясының Алаш шеруі үш көше жүріп өтіп, Саяси қуғын-сүргін және Ашаршылық құрбандарына арналған ескерткіш мемориалға келіп, тағзым етіп, гүл шоқтарын қойды. Зұлмат пен зобалаң құрбандарының әруақтарына дұға бағышталып, құран оқылды.

Ақжолдықтар былтыр бір көше жүріп барып, Саяси қуғын-сүргін мен Ашаршылық құрбандарына тағзым еткен еді. Енді биыл үш көше жүріп өтті.“Ақ жолдың” Тағзым ету шеруі жыл сайын дәстүрге айналғанындай, АЛЖИР қасірет мемориалында жалғаcпақ.

Abai.kz