18
Қазан
«Ақ жол» демпартиясы БЖЗҚ зейнетақы жинақтарынан түсетін инвестициялық табысты салықтан босатуды ұсынды
18 қазан 2023 жыл, «Ақ жол» демократиялық партиясының баспасөз қызметі
«Ақ жол» демпартиясы БЖЗҚ-ның зейнетақы жинақтары мен зейнетақы жинақтары бойынша инвестициялық табысты салықтан босатуды ұсынды - бұл туралы Салық кодексіне толықтырулар енгізу туралы заң жобасы бойынша баяндама жасаған Азат Перуашев мәлімдеді.
«Біз азаматтардың
БЖЗҚ-дағы зейнетақы жинақтары бойынша инвестициялық табыстарды жеке табыс
салығынан (ИПН) босатуды ұсынамыз. Өйткені, БЖЗҚ-ға төлемдер міндетті, ал
әлеуметтік келісім теориясы бойынша міндетті төлемдер салықпен тең. Міндетті
төлемдерге салынатын салық – салыққа салынатын салық.
БЖЗҚ қаржысы
экономикаға инвестицияланады, дағдарыс кезінде тіпті бюджеттің саңылауларын
жамауға да жұмсалған.
БЖЗҚ-ның
инвестициялық табысын да, зейнетақы жинақтарының өзін де табыс салығынан
босатуды ұсынып отырмыз. Олар жылдар бойы инвестицияланып, жұмыс істеп,
экономика мен бюджетке қосалқы құнды қамтамасыз етті, сондықтан зейнеткерлер
оларды салықсыз да алуға құқылы», - деді А.Перуашев.
