“Ақ жол”: Құрылтай депутаттығына кандидат Батыржан Қорғанбаев әуесқой футболшылармен кездесті

“Ақ жол”: Құрылтай депутаттығына кандидат Батыржан Қорғанбаев әуесқой футболшылармен кездесті

Бүгін Ақтауда Құрылтай депутаттығына кандидат Батыржан Қорғанбаев әуесқой футболшылармен футбол алаңында жүздесіп, спортсүйер қауыммен еркін форматта пікір алмасты.

Кездесудің басты мақсаты — жастар мен белсенді азаматтардың ұсыныс-пікірлерін тыңдау, қоғамдағы өзекті мәселелерді талқылау және “Ақ жол” демпартиясының сайлауалды бағдарламаның негізгі бағыттарын таныстыру.

Батыржан Қорғанбаев футболшылармен кездесіп қана қоймай, алаңға шығып, олармен бірге доп тепті.

- “Бұл — халықпен арадағы байланыстың қарапайым әрі ашық форматтағы көрінісі. Себебі қоғамның әр саласының өкілімен тікелей сөйлесіп, олардың ойы мен ұсынысын тыңдау — маңызды. Спорт алаңы — жігерді шыңдайтын орын. Ал елдің болашағы — ортақ алаң. Жастарды қолдау, бұқаралық спортты дамыту, салауатты өмір салтын насихаттау және азаматтардың белсенділігін арттыру — қоғамның тұрақты дамуына ықпал ететін маңызды бағыттар.” - дейді Құрылтай депутаттығына кандидат Батыржан Қорғанбаева.

Кездесу барысында партияның үгіт-насихат жұмыстары жүргізіліп, ақпараттық парақшалар таратылды. 

Әуесқой футболшылар өздерін толғандырған мәселелерін айтып, ұсыныстарын ортаға салды. Өз кезегінде Батыржан Қорғанбаев қойылған сауалдарға жауап беріп, азаматтардың пікірінің маңыздылығын атап өтті.