29
Қараша
Ақжолдықтар Қазақстанның еңбек сіңірген қайраткері Ханбибі Есенқарақызының 75 жылдық мерейтойымен құттықтады
29 қараша 2024
жыл, Шымкент қалалық филиалы
Шымкент қаласында «Ақ жол» ҚДП Шымкент
қалалық мәслихатының депутаты Дулат Саттарұлы Қуашбаев ақын, қоғам қайраткері,
Қазақстанның еңбек сіңірген қайраткері Ханбибі Есенқарақызының 75 жылдық мерейтойына
арнайы барып, құттықтады.
Бұл кеште депутат Ханбибі Есенқарақызының
ұлт руханияты мен қазақ әдебиетіне қосқан елеулі үлесін ерекше атап өтіп, оның
шығармашылығының ел дамуындағы маңызын жоғары бағалады.
Сонымен қатар, «Ақ жол» Демократиялық
партиясы Президиумы атынан Ханбибі Есенқарақызына Qazaq Republic Alash медалі
табысталды. Бұл марапат оның Алаш идеясын насихаттауға, ұлттық бірегейлікті
нығайтуға, Қазақстанның мемлекеттілігі мен демократиялық ұстанымдарын қорғауға
қосқан үлесі үшін берілді.
Дулат Саттарұлы Қуашбаев:
“Ханбибі Есенқарақызы – ұлттық
құндылықтарымызды дәріптеп, қазақ руханиятының шамшырағы болып келе жатқан
ерекше тұлға. Оның шығармашылығы мен қоғамдық еңбегі жастарымыз үшін үлкен
үлгі. Бұл марапат – сіздің ел алдындағы еңбегіңіздің шынайы бағасы деп білеміз,”
– деді өз құттықтау сөзінде.
