29
Қараша
Ақжолдықтар Оңтүстік Кореяда өтетін «Корея – Орталық Азия» аймақтық ынтымақтастықтың алғашқы форумына қатысты
29 қараша 2024
жыл, Шымкент қалалық филиалы
2024 жылғы 25-29 қараша аралығында
Түркістан облысы және Шымкент қаласының
делегациясы Оңтүстік Кореяда өтетін «Корея – Орталық Азия» аймақтық
ынтымақтастықтың алғашқы форумына қатысуда. Форум аясында Қазақстан мен Корея
арасындағы экономикалық, инвестициялық және іскерлік ынтымақтастықты нығайтуға
бағытталған бірқатар маңызды іс-шаралар жоспарланған.
Іс-шараға «Ақ жол» ҚДП Шымкент қалалық
филиалының төрағасы Батырбек Мырзакелдіұлы Әшірбаев та қатысты.
Форумның негізгі тақырыбы – «Қазақстандағы
инвестициялық және іскерлік перспективалар». Бұл алаңда қазақстандық және
корейлік компаниялардың қатысуымен G2B және B2B форматындағы кездесулер
ұйымдастырылып, меморандумдарға қол қою рәсімі өтті.
Оңтүстік Кореядан 42 компания қатысса,
Түркістан облысынан 7 компания өз өнімдері мен жобаларын таныстырды.
Форумның негізгі мақсаттарының бірі – екіжақты іскерлік байланыстарды нығайту, технологиялар мен инновацияларды трансферлеу, сонымен қатар қазақстандық компаниялар үшін жаңа инвестициялық мүмкіндіктерді іздестіру.
