28
Наурыз
Республикалық пікірсайыс турнирінің облыстық кезеңі
28 наурыз 2025 жыл, Абай облыстық филиалы
Абай облысының білім басқармасының “Дарындылық пен қосымша білім беруді
дамытудың облыстық ғылыми-әдістемелік “Дарын орталығы” жылдық жоспарына сәйкес,
2025 жылдың 27-28 наурызы күндері мектеп оқушылары арасында республикалық
пікірсайыс турнирінің облыстық кезеңі өтті.
Аталған турнирде “Ақ жол” Демократиялық партиясының Абай облыстық филиалы Жастар
кеңесінің мүшесі, тәжірибелі пікірсайысшы Сәрсен Жанерке төрешілік етті. Бұл
жастардың сыни ойлауын дамытуға, пікірсайыс мәдениетін қалыптастыруға және әділ
бағалауды қамтамасыз етуге қосылған маңызды үлес болды.
Пікірсайыс – көшбасшылық қасиеттерді шыңдайтын, азаматтық ұстанымды
қалыптастыратын алаң. Осындай зияткерлік іс-шаралардың жоғары деңгейде
ұйымдастырылуы мен әділ бағалануы болашақ білікті спикерлер мен ойлы
азаматтарды тәрбиелеуге ықпал етеді.
