31
Шілде
Республикалық штаб мүшелері Қарағанды облысында сапарда болды
Дания
Еспаева «СМИТ Центральная Азия» зауытының ұжымымен кездесті.
Кәсіпорын ұжымы Дания Еспаеваны зор ілтипатпен қарсы алып, құрмет
белгісі ретінде әдемі гүл шоғын сыйға тартты.
Сапар
барысында зауыт еңбек ұжымымен кездесу өтті. Дания Еспаева «Ақ жол»
демократиялық партиясының сайлауалды бағдарламасының негізгі ережелерін
таныстырып, отандық өнеркәсіпті дамытуға, өндірістік кәсіпорындарды қолдауға
және жаңа жұмыс орындарын ашуға ерекше назар аударды.
Сондай-ақ
еңбек жағдайларын жақсарту, білікті мамандарды даярлау және отандық
кәсіпорындардың кадрлық әлеуетін нығайту мәселелері жеке талқыланды. Партия
өкілдері нақты экономика секторларын дамыту және ұлттық өндірісті қолдау «Ақ
жол» бағдарламасының басты бағыттарының бірі болып қала беретінін атап өтті.
Кездесу
ашық диалог форматында өтті. Кәсіпорын жұмысшылары партия өкілдерімен өнеркәсіп,
экономика және отандық бизнесті одан әрі дамыту жағдайларына қатысты өзекті
сұрақтарды талқылады.
Жиын
қорытындысы бойынша кәсіпорын басшылығы Дания Еспаеваға мазмұнды әрі ашық
әңгіме үшін алғыс айтып, еңбек ұжымдарымен тікелей қарым-қатынас жасаудың және
өндіріс саласының мәселелеріне көңіл бөлудің маңыздылығын атап өтті.
