06
Желтоқсан
Шымыров Мұхтар Асқарұлы тұрғындармен кездесу өткізді
6 желтоқсан 2024 жыл, Шымкент қалалық филиалы
«Ақ жол» ҚДП Шымкент қалалық мәслихатының депутаты Шымыров Мұхтар Асқарұлы
тұрғындармен кездесу өткізді.
Шымкент қаласындағы Ахметбаев көшесінің тұрғындарымен өткен кездесуде халық
бірқатар маңызды мәселелерді көтерді. Тұрғындардың айтуынша, мердігер компания
кәріз құбырларын тарту жұмыстарын жүргіземіз деп жолды қазып, аяқтаған соң
қазған жерлерін қайтадан асфальттап бермеген. Соның салдарынан көшеде
жүріп-тұру қиынға соғып, жергілікті халық қатты наразы.
Сондай-ақ, тұрғындар көшелерінің қараңғы екенін және моланың қасында орналасқанын айтты. Түнде балалардың қауіптеніп жүруге қорқатынын жеткізіп, көше жарығын орнату мәселесін шешіп беруді сұрады. Бұдан бөлек, балалардың ойнауы үшін арнайы алаңша қажет екенін және жол қауіпсіздігін қамтамасыз ету мақсатында көшелеріне жасанды жол кедергілерін орнату қажеттігін атап өтті.
