Жаңасемей аудандық мәслихатының кезекті он алтыншы сессиясы өтті

Жаңасемей аудандық мәслихатының кезекті он алтыншы сессиясы өтті

27 наурыз 2025 жыл, Абай облыстық филиалы

2025 жылдың 27 наурызында Жаңасемей аудандық мәслихатының кезекті он алтыншы сессиясының көшпелі отырысы өтті. Сессия “Ақ жол” партиясынан сайланған Жаңасемей аудандық мәслихат төрағасы Абильмажинов Ермек Төленұлының басшылығымен өтті.

Сессия жұмысына 4 депутат тіркеліп, күн тәртібіне сәйкес келесі мәселелер қаралды:

2024 жылғы аудандық бюджеттің атқарылуы туралы есеп

Кенттер мен ауылдық округтер әкімдерінің 2024 жылғы бюджеттерінің атқарылуы туралы есептері

Ауыл шаруашылығы құрылымдарын көктемгі егіс жұмыстарына дайындау бойынша жүргізіліп жатқан жұмыстар туралы

Абай облысы Жаңасемей ауданы Шаған кентінің шекарасын бекіту туралы

Абай облысы Жаңасемей аудандық мәслихатының 2024 жылғы 10 қыркүйектегі №10/58-VIII “Абай облысы Жаңасемей ауданы аумағындағы жер қатынастары мәселелері жөніндегі аудандық комиссиясының құрамы туралы” шешіміне өзгерістер енгізу туралы

Абай облысы Жаңасемей аудандық мәслихатының 2024 жылғы 28 қарашадағы №12/70-VIII “Абай облысы Жаңасемей ауданының аудандық кәмелетке толмағандардың істері және олардың құқықтарын қорғау жөніндегі комиссия құру туралы” шешіміне өзгерістер енгізу туралы

Абай облысы Жаңасемей аудандық мәслихатының 2024 жылғы 28 тамыздағы №10/53-VIII “Жаңасемей ауданының учаскелік сайлау комиссияларының құрамына өзгерістер енгізу туралы” шешіміне өзгерістер енгізу туралы

Абай облысы Жаңасемей аудандық мәслихатының 2024 жылғы 30 желтоқсандағы №14/97-VIII “2025-2027 жылдарға арналған Жаңасемей ауданының бюджеті туралы” шешіміне өзгерістер енгізу туралы

Абай облысы Жаңасемей ауданының әкімшілік-аумақтық құрылымының кейбір мәселелері туралы

Сонымен қатар, Жаңасемей ауданының бюджетіне өзгерістер енгізу туралы шешімі Эталондық бақылау банкінде жарияланғаннан кейін ауылдық округтер мен кенттердің бюджеттеріне өзгерістер енгізу қажеттілігі туындады. Осыған байланысты, мәслихаттың кезекті он алтыншы сессиясының отырысында күнтізбелік 15 күннен аспайтын мерзімге үзіліс жасау туралы ұсыныс түсті.

Кезекті сессияға дайындық барысында мәслихаттың тұрақты комиссиясының отырысында депутаттар, бюджеттік бағдарламалар әкімшілері қатысып, күн тәртібіндегі мәселелерді талқылады.