Руслан Мырқалықов нәзік жандыларды “8 наурыз – Халықаралық әйелдер күні” мерекесімен құттықтады

Руслан Мырқалықов нәзік жандыларды “8 наурыз – Халықаралық әйелдер күні” мерекесімен құттықтады

9 наурыз 2025 жыл, Жамбыл облыстық филиалы

«Ақ жол» партиясынан сайланған Тараз қалалық мәслихатының депутаты, кәсіпкер Руслан Мырқалықов шаһардағы «Айырылмас» сауда кешініндегі сатушы қыз-келіншектері және сауда орталығының тұтынушыларын 8 наурыз – Халықаралық әйелдер күні мерекесімен құттықтады.

Руслан Мырсапарұлы бастаған сауда кешінінің ер азаматтары мереке иелеріне раушан гүлін сыйлап, ізгі тілектерін жеткізді.

Ізетке толы тосын сый сауда кешеніне келуші қыз-келіншектерге риясыз қуаныш сыйлады. Аналар мен арулар, кішкентай бүлдіршін қыздар көктем мерекесінде арнайы көңіл бөліп, құрмет көрсеткен кәсіпкерге ризашылықтарын білдіріп, жомарт жанмен бірге суретке түсіп жатты.

Мерекелік құттықтаулар іс-шарасы түстен кейін де жалғасын тауып, депутат өз сайлау округіне қарасты ауданда тұратын аналардың шаңырағына арнайы барып, гүл шоқтарып тапсырып, сый-сияпат жасады.